കൊച്ചി > സിനിമ–-സീരിയൽ നടൻ ചേന്ദമംഗലം പറപ്പുവീട്ടിൽ സി പി പ്രതാപൻ (70) അന്തരിച്ചു. സംസ്‌കാരം വെള്ളി പകൽ 11ന് ഇടപ്പള്ളി ശ്‌മശാനത്തിൽ. കുടുംബവുമൊത്ത്‌ എളമക്കര പുതുക്കലവട്ടം പ്രശാന്തി വീട്ടിലായിരുന്നു താമസം.
ഇന്ത്യാ ടുഡേ എറണാകുളം മാർക്കറ്റിങ്‌ റീജണൽ ഹെഡായി പ്രവർത്തിച്ചിട്ടുണ്ട്‌. ജീവൻ ടിവി എറണാകുളം ജനറൽ മാനേജരായിരുന്നു. കലാകൗമുദി, ഇന്ത്യൻ എക്‌സ്‌പ്രസ്‌ എന്നിവിടങ്ങളിലും മാർക്കറ്റിങ്‌ വിഭാഗത്തിൽ ജോലി ചെയ്‌തു. സ്‌ത്രീ, മാനസപുത്രി എന്നീ സീരിയലുകളിൽ വേഷങ്ങൾ ചെയ്‌തു. തച്ചിലേടത്ത് ചുണ്ടൻ, ലയൺ, അച്ഛനുറങ്ങാത്ത വീട് തുടങ്ങിയ സിനിമകളിലും അഭിനയിച്ചു.
ഭാര്യ: പുല്ലാരപ്പിള്ളിൽ കെ പി പ്രസന്ന. മകൻ - അഡ്വ. പ്രശാന്ത്. മരുമകൾ: ജയ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
