ന്യൂഡൽഹി> ദേശീയപാത നിർമ്മാണം സംബന്ധിച്ച് ബിജെപി സംസ്ഥാന പ്രസിഡന്റ് കെ സുരേന്ദ്രൻ നടത്തിയ വാദം പൊളിച്ച് എ എ റഹീം എംപി. ദേശീയ പാത നിർമ്മാണത്തിന് കേരളം 25 ശതമാനം വിഹിതം നൽകിയെന്ന് കേന്ദ്രമന്ത്രി നിതിൻ ഗഡ്കരി ഇന്ന് പാർലമെൻറിൽ വ്യക്തമാക്കി. എ എ റഹീം എം പിയുടെ ചോദ്യത്തിനാണ് മറുപടി ലഭിച്ചത്.
ദേശീയപാത വികസനത്തിൽ കേരളം കാലണ നൽകിയിട്ടില്ലെന്നും എന്നിട്ട് എട്ടുകാല് മമ്മൂഞ്ഞ് കളിക്കുകയാണെന്നുമാണ് സുരേന്ദ്രൻ പറഞ്ഞത്. പച്ചനുണ പറഞ്ഞ് ജനങ്ങളെ തെറ്റിദ്ധരിപ്പിക്കാൻ ശ്രമിച്ച സുരേന്ദ്രൻ മാപ്പുപറയണമെന്നും എ എ റഹീം പറഞ്ഞു. സംസ്ഥാനത്തിന് എങ്ങനെ പാരവെയ്ക്കാം, എങ്ങനെ വികസനം മുടക്കാം എന്നൊക്കെയാണ് സുരേന്ദ്രനും സംഘവും ചെയ്യുന്നതെന്നും റഹീം പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
