സ്റ്റേറ്റ് ബാങ്ക് ഓഫ് ഇന്ത്യയിൽ ജൂനിയർ അസോസിയറ്റ്‌സ്‌ (കസ്‌റ്റമർ സപ്പോർട്‌ ആൻഡ്‌ സെയിൽസ്‌) 5000 ഒഴിവുണ്ട്. നോർത്ത്‌ ഈസ്‌റ്റേൺ, ചണ്ഡീഗഡ്‌ സർക്കിളുകളിലെ സ്‌പെഷ്യൽ റിക്രൂട്ട്മെന്റ് ഡ്രൈവിലെ 85 ഒഴിവുകളും ഉൾപ്പെടെയാണിത്‌. കേരളത്തിൽ 97, ലക്ഷദ്വീപിൽ മൂന്ന് ഒഴിവുമുണ്ട്‌. |ഒരാൾക്ക്‌ ഒരു സംസ്ഥാനത്തേക്ക്‌ മാത്രമേ അപേക്ഷിക്കാനാവൂ. അവിടുത്തെ പ്രാദേശിക ഭാഷ എഴുതാനും വായിക്കാനും സംസാരിക്കാനും അറിയണം. പത്ത്‌/പന്ത്രണ്ട്‌ ക്ലാസ്സിൽ പ്രാദേശിക ഭാഷ പഠിച്ച സർട്ടിഫിക്കറ്റ്‌ ഹാജരാക്കുന്നവർ ഭാഷാ പരീക്ഷക്ക്‌ പങ്കെടുക്കേണ്ടതില്ല. ഈ റിക്രൂട്ട്മെന്റ് പ്രോജക്ട്‌ പ്രകാരം ഒരാൾക്ക്‌ ഒരിക്കൽ അപേക്ഷിച്ചവർ പിന്നീട്‌ അപേക്ഷിക്കാൻ പാടില്ല. യോഗ്യത ബിരുദം. പ്രായം: 20–-28. 2021 ഏപ്രിൽ ഒന്നിനെ അടിസ്ഥാനമാക്കിയാണ്‌ പ്രായം കണക്കാക്കുന്നത്‌. നിയമാനുസൃത ഇളവുണ്ട്‌. പ്രാഥമിക പരീക്ഷ ജൂണിലാകും. പ്രധാന പരീക്ഷ ജൂലൈ 31നുമായിരിക്കും. https://www.sbi.co.in അല്ലെങ്കിൽ https://www.bank.sbi/careers വഴി ഓൺലൈൻ രജിസ്‌ട്രേഷൻ തുടങ്ങി. അവസാന തിയതി മെയ് 17. വിശദവിവരം വെബ്‌സൈറ്റിൽ.
ക്ലര്‍ക്ക്/ഓഫീസര്‍
സ്റ്റേറ്റ് ബാങ്ക് ഓഫ് ഇന്ത്യയില്‍ ക്ലര്‍ക്ക്/ഓഫീസര്‍ കാറ്റഗറിയില്‍ 149 ഒഴിവുണ്ട്. റെഗുലര്‍/കരാര്‍ വ്യവസ്ഥയിലായിരിക്കും നിയമനം. മുംബൈയിലെ സെന്‍ട്രല്‍ റിക്രൂട്ട്മെന്റ് ആന്‍ഡ് പ്രൊമോഷന്‍ ഡിപ്പാര്‍ട്ട്മെന്റാണ് നിയമനം നടത്തുന്നത്. ഫാര്‍മസിസ്റ്റ് തസ്തികയില്‍ തിരുവനന്തപുരത്ത് ഏഴ്‌ ഒഴിവുണ്ട്.
ചീഫ് എത്തിക്‌സ് ഓഫീസര്‍- ഒരൊഴിവ്‌. യോഗ്യത: ബാങ്കിങ് മേഖലയില്‍ 20 വര്‍ഷത്തെ പ്രവൃത്തിപരിചയം. പ്രായം: 55-–-62 .
അഡ്‌വൈസര്‍ (ഫ്രോഡ് റിസ്‌ക് മാനേജ്മെന്റ്)- 4 ഒഴിവ്‌. യോഗ്യത: ഉയര്‍ന്ന തസ്തികയില്‍ വിരമിച്ച പൊലീസ് ഓഫീസര്‍ക്ക് അപേക്ഷിക്കാം. ഉയർന്ന പ്രായം: 63 .
മാനേജര്‍ (റിസ്‌ക് മാനേജ്മെന്റ്) -ഒരൊഴിവ. യോഗ്യത: എംബിഎ/പിജിഡിഎം. ഫിനാന്‍സ് സ്‌പെഷ്യലൈസ് ചെയ്തവര്‍ക്ക് മുന്‍ഗണന. അല്ലെങ്കില്‍ തത്തുല്യം. 5 വര്‍ഷത്തെ പ്രവൃത്തിപരിചയം. പ്രായം: 28-–-35.
മാനേജര്‍ (ക്രെഡിറ്റ് അനലിസ്റ്റ്)- 2. യോഗ്യത: മാനേജ്മെന്റ് ബിരുദാനന്തരബിരുദം/ബിരുദാനന്തരബിരുദ ഡിപ്ലോമ/എംബിഎ. അല്ലെങ്കില്‍ ചാര്‍ട്ടേഡ് അക്കൗണ്ടന്റ്/കോസ്റ്റ് അക്കൗണ്ടന്റ് അല്ലെങ്കില്‍ തത്തുല്യം. 5 വര്‍ഷത്തെ പ്രവൃത്തിപരിചയം. പ്രായം: 28-–-35.
സീനിയര്‍ സ്‌പെഷ്യല്‍ എക്‌സിക്യുട്ടീവ് (കോംപ്ലിയന്‍സ്) -1. യോഗ്യത: ഏതെങ്കിലും വിഷയത്തിലെ ബിരുദവും അഞ്ച്‌ വര്‍ഷത്തെ പ്രവൃത്തിപരിചയവും. പ്രായം: 28–--35.
സീനിയര്‍ സ്‌പെഷ്യല്‍ എക്‌സിക്യൂട്ടീവ് (സ്ട്രാറ്റജി -ടിഎംജി -1, ഗ്ലോബല്‍ ട്രേഡ്- 1) 2 ഒഴിവ്‌. യോഗ്യത: ഫിനാന്‍സ്/മാര്‍ക്കറ്റിങ് സ്‌പെഷ്യലൈസ് ചെയ്ത എംബിഎ/പിജിഡിബിഎം. തത്തുല്യം. 4-5 വര്‍ഷത്തെ പ്രവൃത്തിപരിചയം: പ്രായം: സ്ട്രാറ്റജി -ടിഎംജി ഒഴിവിലേക്ക് 28–--35, ഗ്ലോബല്‍ ട്രേഡ് ഒഴിവിലേക്ക് 26–--30 .
സീനിയര്‍ എക്‌സിക്യൂട്ടീവ് (റീ ടെയ്ല്‍ ആന്‍ഡ് സബ്സിഡറീസ്- 1, ഫിനാന്‍സ്- 1, മാര്‍ക്കറ്റിങ്- 1) 3 ഒഴിവ്‌. ഫിനാന്‍സ്/മാര്‍ക്കറ്റിങ് സ്‌പെഷ്യലൈസ് ചെയ്ത എംബിഎ/പിജിഡിബിഎം, തത്തുല്യം. 3 വര്‍ഷത്തെ പ്രവൃത്തിപരിചയം: പ്രായം: 25-–-35. ഷോര്‍ട്ട് ലിസ്‌റ്റിലുള്ളവരെ അഭിമുഖത്തിലൂടെ തെരഞ്ഞെടുക്കും. മുംബൈയിലായിരിക്കും നിയമനം.
ഡെപ്യൂട്ടി ചീഫ് ടെക്നോളജി ഓഫീസര്‍ -1 ഒഴിവ്‌. യോഗ്യത: ബിടെക്/ബിഇ/എംഎസ്‌സി/എംടെക്./എംസിഎ. 15 വര്‍ഷത്തെ പ്രവൃത്തിപരിചയം.ഉയർന്നപ്രായം 45. ഷോര്‍ട്‌ ലിസ്‌റ്റിലുള്ളവരെ അഭിമുഖത്തിലൂടെ തെരഞ്ഞെടുക്കും.
മാനേജര്‍ (ഹിസ്റ്ററി)- ഒരൊഴിവ്‌ . യോഗ്യത: ഇക്കണോമിക്‌സ്/ഹിസ്റ്ററി എം.എ. അല്ലെങ്കില്‍ തത്തുല്യം. ആറ്‌ വര്‍ഷത്തെ അധ്യാപന പരിചയം അല്ലെങ്കില്‍ ഹിസ്റ്റോറിയനായുള്ള പരിചയം. ഉയർന്ന പ്രായം: 40 .
എക്‌സിക്യുട്ടീവ് (ഡോക്യുമെന്റ് പ്രിസര്‍വേഷന്‍ -ആര്‍ക്കൈവ്സ്) -ഒരൊഴിവ്‌. യോഗ്യത: കെമിസ്ട്രി ബിരുദവും കണ്‍സര്‍വേഷന്‍/പ്രിസര്‍വേഷന്‍ ഓഫ് ഡോക്യുമെന്ററി സര്‍ട്ടിഫിക്കറ്റും ഒരുവര്‍ഷത്തെ പ്രവൃത്തിപരിചയവും. ഉയർന്ന പ്രായം 30. ഷോര്‍ട്‌ലിസ്‌റ്റിലുള്ളവരെ അഭിമുഖത്തിലൂടെ തെരഞ്ഞെടുക്കും.
ഫാര്‍മസിസ്റ്റ്- 67 ഒഴിവ്‌. യോഗ്യത: എസ്എസ്‌സി. അല്ലെങ്കില്‍ തത്തുല്യം. ഫാര്‍മസിയില്‍ ഡിപ്ലോമ/ബിരുദം/ബിരുദാനന്തരബിരുദം അല്ലെങ്കില്‍ തത്തുല്യം. ഡിപ്ലോമക്കാര്‍ക്ക് മൂന്ന് വര്‍ഷവും ബിരുദം/ബിരുദാനന്തര ബിരുദമുള്ളവര്‍ക്ക് ഒരുവര്‍ഷത്തെ പ്രവൃത്തിപരിചയവുമുണ്ടാകണം. ഉയർന്ന പ്രായം 30. എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ്‌ തെരഞ്ഞെടുപ്പ്‌.
ഡാറ്റ അനലിസ്റ്റ്- എട്ട്‌ ഒഴിവ്‌. യോഗ്യത: കംപ്യൂട്ടര്‍ സയന്‍സ്/ഐടി/ഡാറ്റ സയന്‍സ്/മെഷീന്‍ ലേണിങ് ആന്‍ഡ് എഐബിഇ/ബിടെക്./എംഇ/എംടെക്. ഡാറ്റ സയന്‍സ് ഡിപ്ലോമ അഭിലഷണീയം. മൂന്ന് വര്‍ഷത്തെ പ്രവൃത്തിപരിചയം. ഉയർന്ന പ്രായം 35. എഴുത്തുപരീക്ഷയിലൂടെയും അഭിമുഖത്തിലൂടെയുമാണ്‌ തെരഞ്ഞെടുപ്പ്‌.
മാനേജര്‍ (ക്രെഡിറ്റ് അനലിസ്റ്റ്)- 45 ഒഴിവ്‌. യോഗ്യത ഏതെങ്കിലും വിഷയത്തിലെ ബിരുദവും ഫിനാന്‍സ് സ്‌പെഷ്യലൈസ് ചെയ്ത എംബിഎ/പിജിഡിബിഎ/പിജിഡിബിഎം. അല്ലെങ്കില്‍ തത്തുല്യം. മൂന്ന് വര്‍ഷത്തെ പ്രവൃത്തിപരിചയം. ഉയർന്നപ്രായം 35 .
മാനേജര്‍ (ജോബ് ഫാമിലി ആന്‍ഡ് സക്‌സസഷന്‍ പ്ലാനിങ്) -ഒരൊഴിവ്‌. യോഗ്യത: ഏതെങ്കിലും വിഷയത്തിലെ ബിരുദവും എച്ച്ആര്‍ സ്‌പെഷ്യലൈസ് ചെയ്ത എംബിഎ/പിജിഡിഎം. അല്ലെങ്കില്‍ തത്തുല്യം. 7 വര്‍ഷത്തെ പ്രവൃത്തിപരിചയം. ഉയർന്ന പ്രായം 32.
മാനേജര്‍ (റെമിറ്റന്‍സസ്)- ഒരൊഴിവ്‌. യോഗ്യത: ഇലക്ട്രോണിക്‌സ്/കംപ്യൂട്ടര്‍ സയന്‍സ്/ഇന്‍ഫര്‍മേഷന്‍ ടെക്നോളജി/ഇലക്ട്രോണിക്‌സ് ആന്‍ഡ് ഇന്‍സ്ട്രുമെന്റേഷന്‍ ബിഇ/ബിടെക്കും എംബിഎ/പിജിഡിഎം.
തത്തുല്യം. നാല് വര്‍ഷത്തെ പ്രവൃത്തിപരിചയം. പ്രായം: 27–--35 .
ഡെപ്യൂട്ടി മാനേജര്‍ (മാര്‍ക്കറ്റിങ്- ഫിനാന്‍ഷ്യല്‍ ഇന്‍സ്റ്റിറ്റ്യൂഷന്‍സ്)-1. യോഗ്യത: എംബിഎ/പിജിഡിഎം. അല്ലെങ്കില്‍ തത്തുല്യം. മാര്‍ക്കറ്റിങ്ങില്‍ സ്‌പെഷ്യലൈസ് ചെയ്തവര്‍ക്ക് മുന്‍ഗണന. നാല് വര്‍ഷത്തെ പ്രവൃത്തിപരിചയം. പ്രായം: 26–--30 .
ഡെപ്യൂട്ടി മാനേജര്‍ (ചാര്‍ട്ടേഡ് അക്കൗണ്ടന്റ്) -6 ഒഴിവ്‌. യോഗ്യത: ചാര്‍ട്ടേഡ് അക്കൗണ്ട് (ആദ്യത്തെ പ്രാവശ്യം ജയിച്ചവർക്ക്‌ മുന്‍ഗണന) .മൂന്ന് വര്‍ഷത്തെ പ്രവൃത്തിപരിചയം. പ്രായം: 25–--35.
ഡെപ്യൂട്ടി മാനേജര്‍ (എനിടൈം ചാനല്‍) -2 ഒഴിവ്‌. യോഗ്യത: ഇലക്ട്രോണിക്‌സ് ആന്‍ഡ് കമ്യൂണിക്കേഷന്‍/കംപ്യൂട്ടര്‍/ഇലക്ട്രിക്കല്‍/ഇന്‍ഫര്‍മേഷന്‍ സയന്‍സ് ബിഇ/ബിടെക്കും. എംബിഎ/പിജിഡിഎം. അല്ലെങ്കില്‍ തത്തുല്യം. നാല് വര്‍ഷത്തെ പ്രവൃത്തിപരിചയം. ഉയർന്ന പ്രായം 35 .ഷോര്‍ട്‌ലിസ്‌റ്റിലുള്ളവരെ അഭിമുഖത്തിലൂടെ തെരഞ്ഞെടുക്കാം.
ഡെപ്യൂട്ടി മാനേജര്‍ (സ്ട്രാറ്റജിക്‌ ട്രെയിനിങ്) -ഒരൊഴിവ്‌. യോഗ്യത: എംബിഎ/പിജിഡിഎം, തത്തുല്യം. എച്ച്ആര്‍/മാര്‍ക്കറ്റിങ് സ്‌പെഷ്യലൈസ് ചെയ്തവര്‍ക്ക് മുന്‍ഗണന. മൂന്ന് വര്‍ഷത്തെ പ്രവൃത്തിപരിചയം. പ്രായം: 20 .
ഷോര്‍ട്ട്‌ലിസ്റ്റ് ചെയ്യുന്നവരെ അഭിമുഖത്തിലൂടെ തെരഞ്ഞെടുക്കും. വിശദവിവരങ്ങള്‍ക്കും അപേക്ഷിക്കാനും www.sbi.co.in . അവസാന തിയതി മെയ് മൂന്ന്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
