കൊല്ലം > വനിതാദിനത്തില്‍ പത്തനാപുരം ഗാന്ധിഭവനിലെ അന്തേവാസികള്‍ക്ക് ആശ്വാസമായി ലുലു ഗ്രൂപ്പ് ചെയര്‍മാന്‍ എം എ യൂസഫലിയുടെ സഹായമായ ഒരു കോടി രൂപ കൈമാറി. കുടിവെള്ളത്തിന് ബുദ്ധിമുട്ടുന്ന അന്തേവാസികള്‍ക്ക് ഈ സഹായം ആശ്വാസമാകും. രണ്ടു വര്‍ഷം മുമ്പ് യൂസഫലി ഗാന്ധിഭവന്‍ സന്ദര്‍ശിച്ചപ്പോള്‍ മുതല്‍ സഹായം നല്‍കുന്നുണ്ട്.
ഗാന്ധിഭവനില്‍ നടന്ന ചടങ്ങില്‍ ലുലു ഗ്രൂപ്പ് പ്രതിനിധികളായ ജോയി ഷഡാനന്ദന്‍ , എന്‍.ബി. സ്വരാജ്, ഇ. നജിമുദ്ദീന്‍ എന്നിവരില്‍ നിന്നും ഗാന്ധി‘ഭവന്‍ സെക്രട്ടറി ഡോ. പുനലൂര്‍ സോമരാജനും അമ്മമാരും ചേര്‍ന്ന് ഏറ്റുവാങ്ങി. ഗാന്ധിഭവന്‍ സ്പെഷ്യല്‍ സ്കൂള്‍ വിദ്യാര്‍ഥികള്‍ക്കായി ലുലു ഗ്രൂപ്പ് നല്‍കിയ ബസ്സിന്റെ താക്കോല്‍ദാനവും നടന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
