"ലോകം കറുത്ത കയ്യിൽ ഉറക്കമില്ല ചെറുത്ത് നിൽപ്പിതെങ്ങും ഇല്ല കുറുക്ക് പാത നമുക്ക് മുന്നിൽ ഉറച്ച നെഞ്ച് മാത്രം ഉള്ളിൽ പതിച്ചൊരാദി നിറച്ചു ഭീതി, വിറച്ചു നിൽപ്പൂ ഭൂമി ഒന്നായ് തടുത്തുനിര്‍ത്താം തുടച്ചു നീക്കാം ഉയര്‍ത്തെഴുന്നേൽക്കാനായി...'
ലോകം മുഴുവൻ കൊവിഡ് മഹാമാരി മാറ്റമില്ലാതെ തുടരുന്ന സമയമാണ്. ഈ വേളയിൽ കൊവിഡ് പ്രതിരോധ സന്ദേശവുമായി സംഗീത സംവിധായകനും ഗാനരചയിതാവും നടനുമായ ശബരീഷ് വര്‍മ തയ്യാറാക്കിയിരിക്കുന്ന മ്യൂസിക് വീഡിയോ 'ലോകം' ഓൺലൈൻ ലോകത്ത് ശ്രദ്ധ നേടുകയാണ്.
നിവിന്‍ പോളി, ആസിഫ് അലി, വിനീത് ശ്രീനിവാസന്‍, അല്‍ഫോണ്‍സ് പുത്രന്‍, ദര്‍ശന രാജേന്ദ്രന്‍, അഹാന കൃഷ്ണ, സ്വാസിക, വിനയ് ഫോര്‍ട്ട്, ഷറഫുദ്ദീന്‍, നോബി, ബാലു വര്‍ഗീസ്, ഗൗതമി നായര്‍, ഡിനോയ് പൗലോസ്, സൈജു കുറുപ്പ്, കൃഷ്ണ ശങ്കര്‍, സിജു വില്‍സണ്‍, ചെമ്പന്‍ വിനോദ് ജോസ് തുടങ്ങി നിരവധി താരങ്ങളാണ് ലോകം വീഡിയോയിൽ കൈകോര്‍ത്തിരിക്കുന്നത്.
മുഖ്യമന്ത്രി പിണറായി വിജയൻ പത്രസമ്മേളനത്തിൽ രോഗ വ്യാപനം തടയാൻ നൽകിയ നിർദ്ദേശങ്ങളും ഗാനത്തിനിടയിൽ ഉൾക്കൊള്ളിച്ചിട്ടുണ്ട്. സയനോര ഫിലിപ്പ്, രശ്മി സതീഷ്, നിരഞ്ജ് സുരേഷ്, സച്ചിൻ വാര്യര്‍, മുജീബ് മജീദ്, ഗൗതമി നായര്‍, അഹാന കൃഷ്ണ, ദര്‍ശന രാജേന്ദ്രൻ എന്നിവർ ചേര്‍ന്നാണ് ഗാനം ആലപിച്ചിരിക്കുന്നത്.
ശബരീഷ് വര്‍മയാണ് 2 മിനിറ്റ് 16 സെക്കന്‍റുള്ള ഗാനത്തിന്‍റെ രചനയും സംഗീത സംവിധാനവും നിര്‍വഹിച്ചിരിക്കുന്നത്. കിഷൻ മോഹൻ ആണ് മ്യൂസിക് പ്രൊഡ്യൂസര്‍. പ്രകാശ് അലക്സ് പ്രോഗ്രാമിങും അജ്മൽ സാബു എഡിറ്റിങും സപ്ത റെക്കോ‍ർഡ്സ് റെക്കോഡിങും നിര്‍വ്വഹിച്ചിരിക്കുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
