കൊച്ചി > നടിയെ ആക്രമിച്ച കേസില്‍ പ്രതിയായ ദിലീപിനെ താരസംഘടനയായ 'അമ്മ'യില്‍ തിരിച്ചെടുത്തതിനെതിരെ സോഷ്യല്‍മീഡിയയിലും പ്രതിഷേധം കത്തുന്നു. ക്രൂരമായ അക്രമത്തെ അതിജീവിച്ച പെണ്‍കുട്ടിയെയും കേരള സമൂഹത്തെയുമാകെ അപമാനിച്ച സംഘടനയെ 'അമ്മ' എന്ന് വിളിക്കരുതെന്നാണ് പ്രധാനമായും ഉയരുന്ന അഭിപ്രായം. പകരം സോഷ്യല്‍മീഡിയ തന്നെ താരസംഘടനയ്ക്ക് പുതിയ പേരും നല്‍കി. 'എഎംഎംഎ' എന്ന പേരാണ് ആ സംഘടനയ്‌‌‌ക്ക് ചേരുന്നതെന്ന് നിരവധി പേര്‍ തങ്ങളുടെ പോസ്റ്റുകളിലൂടെ പറയുന്നു.
നിരവധി പൊതുപ്രവര്‍ത്തകരും മാധ്യമപ്രവര്‍ത്തകരും സംഘടനയില്‍ നിന്നും രാജിവെച്ച നടിമാര്‍ക്ക് ഐക്യദാര്‍ഢ്യവുമായി എത്തി. #MediaWithTheSurvivor എന്ന ഹാഷ്‌ടാഗോടെയാണ് മാധ്യമലോകം രാജിവെച്ചവര്‍ക്കും അക്രമത്തെ അതിജീവിച്ച നടിക്കും പിന്തുണനല്‍കുന്നത്. #FreecinemaFromMafia എന്ന ഹാഷ്‌ടാഗും വ്യാപമായി പ്രചരിക്കുന്നുണ്ട്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
