കൊച്ചി > 'പറവ' സിനിമയിലൂടെ പ്രേക്ഷകരുടെ മനസ്സില് ഇടം നേടിയ ഇച്ചാപ്പിക്കും ഹസീബിനും സിപിഐ എമ്മിന്റെ ആദരം. സിപിഐ എം ഫോര്ട്ട് കൊച്ചി ലോക്കല് സമ്മേളനത്തിലാണ് താരങ്ങളെ ആദരിച്ചത്. സമ്മേളനത്തോനുബന്ധിച്ച് നടന്ന പ്രകടനത്തിലും ഇരുവരും പങ്കെടുത്തു. ചെങ്കൊടി പിടിച്ച പ്രകടനത്തില് അണിചേര്ന്ന ഇരുവരുടെയും ചിത്രം സോഷ്യല് മീഡിയയില് ഹിറ്റായിരിക്കുകയാണ്.
ഇച്ചാപ്പിയായി വേഷമിട്ട അമല്ഷായും ഹസീബായി വേഷമിട്ട ഗോവിന്ദ പൈയും തന്നെയാണ് 'പറവ'യിലെ കേന്ദ്ര കഥാപാത്രങ്ങള്. പ്ലസ് ടു കൊമേഴ്സ് വിദ്യാര്ത്ഥിയാണ് അമല്ഷാ. ഗോവിന്ദ് പത്തിലും പഠിക്കുന്നു. താര പ്രഭ ഇല്ലാതെ എത്തിയ ഈ ചിത്രം ബോക്സ് ഓഫീസില് വന് നേട്ടമാണ് ഉണ്ടാക്കിയത്. സൗബിന് സാഹിര് ആദ്യമായി സംവിധാനം നിര്വഹിച്ച 'പറവ' അന്വര് റഷീദാണ് നിര്മ്മിച്ചത്.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..