28 March Thursday

അശോകൻ ചരുവിലിനെ അസഭ്യംവിളിച്ച്‌ വി ടി ബല്‍റാമിന്റെ ഫേസ്‌‌ബുക്ക്‌ കമന്റ്‌ , ബലറാമിനോട്‌ സഹതാപം മാത്രമെന്ന്‌ ചരുവിൽ

വെബ് ഡെസ്‌ക്‌Updated: Thursday Aug 30, 2018

എഴുത്തുകാരൻ അശോകൻ ചരുവിലിനെ ഫേസ്ബുക്കിൽ  അസഭ്യം വിളിച്ച്‌ വി ടി ബൽറാം എംഎൽഎയുടെ കമന്റ്‌ വിവാദമാകുന്നു.  ഫേസ്‌ബുക്ക്‌ ചാറ്റ്‌ബോക്‌സിൽ  സംവാദത്തിനിടെ  അശോകൻ ചരുവിലിനെ ‘എമ്പോക്കി അശോകാ’

എന്നു വിളിച്ച വി ടി ബൽറാം ‘പുന്നാര മോനെ’ എന്നും വിശേഷിപ്പിച്ചു. ചീത്തവിളിയുടെ സ്‌ക്രീൻ ഷോട്ട്‌ അശോകൻ ചെരുവിലാണ്‌ പുറത്തുവിട്ടത്‌.

 കേരളത്തിന്റെ പുനർനിർമാണത്തിനായി മലയാളികൾ ഒരു മാസത്തെ ശമ്പളം സംഭാവന ചെയ്യണമെന്ന് മുഖ്യമന്ത്രി പിണറായി വിജയൻ അഭ്യർത്ഥിച്ചതിനെ എതിർത്ത് വിടി ബൽറാം ഫേസ്ബുക്കിലിട്ട പോസ്റ്റിൽ സംവാദം നടക്കവെയാണ് വിടി ബൽറാം കേരള സാഹിത്യ അക്കാദമി അവാർഡ് ജേതാവായ എഴുത്തുകാരനെ അസഭ്യം പറഞ്ഞത്. അശോകൻ ചെരുവിലിന്റെ കമന്റ് ബോക്സിൽ ചെന്നായിരുന്നു വിടി ബൽറാമിന്റെ അസഭ്യ പരാമർശം.

കോൺഗ്രസ്സ് നേതാക്കളിൽ നിന്നും മാന്യമായ പെരുമാറ്റം മാത്രമേ തനിക്ക് ഇന്നുവരെയുണ്ടായിട്ടുള്ളൂ എന്നും ആ പരിചയത്തിന്റെ പുറത്താണ് സംവാദത്തിനു ചെന്നതെന്നും അശോകൻ ചെരുവിൽ പറഞ്ഞു. വിടി ബൽറാം എന്ന യുവാവായ പൊതുപ്രവര്‍ത്തകന്റെ പതനത്തിൽ താൻ അതിയായി ഖേദിക്കുന്നതായും അശോകൻ ചെരുവിൽ വ്യക്തമാക്കി.

വിടി ബൽറാമിനെ ‘നീ’ എന്ന് വിശേഷിപ്പിച്ച് തൃത്താലയിലെ ഒരു വോട്ടർ ഇട്ട കമന്റ് താൻ ലൈക്ക് ചെയ്‌തതാണ് വിടി ബൽറാമിനെ പ്രകോപിപ്പിച്ചതെന്ന് അശോകൻ ചരുവിൽ പറഞ്ഞു.

അതെസമയം അശോകൻ‌ ചരുവിൽ നുണ പറയുകയാണെന്ന് ആരോപിച്ച് വിടി ബൽറാം പോസ്റ്റിട്ടു. പുന്നാര മോനേ, എമ്പോക്കീ എന്നൊക്കെ തന്നെ വിശേഷിപ്പിച്ചുള്ള ഒരാളുടെ കമന്റ് ലൈക്ക് ചെയ്യുകയും അത്‌ ന്യായീകരിക്കുകയും ചെയ്‌തതിനാലാണ്‌  അതേതരത്തിൽ മറുപടി പറഞ്ഞതെന്നാണ്‌ തൃത്താല എംഎൽഎയുടെ വിശദീകരണം.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top