06 October Thursday

കാ​വി​ച്ച​ന്ത​യി​ലെ ക​ങ്കാ​ണി​പ്പ​ണി സ​ലാ​മി​നെ ഏ​ൽ​പി​ച്ച​താ​രാ ?.... കാസിം ഇരിക്കൂർ എഴുതുന്നു

വെബ് ഡെസ്‌ക്‌Updated: Thursday Jan 20, 2022

നിയമസഭാ തെരഞ്ഞെടുപ്പിൽ ബിജെപി വോട്ട്‌ തേടിയ പി എം എ സലാമിനെ കോ​ഴി​ക്കോ​ട്ടെ എ​ളി​മ​യു​ള്ള ലീ​ഗു​കാ​ർ വെ​റു​തെ വി​ടു​മെ​ന്ന് തോ​ന്നു​ന്നി​ല്ല. അ​തി​ന്റെ ആ​ദ്യ വെ​ടി​യാ​ണ് വോ​യ്‌​സ് മെ​സ്സേ​ജി​ലൂ​ടെ പൊ​ട്ടി​ച്ചി​രി​ക്കു​ന്ന​തെന്ന്‌ ഐഎൻഎൽ സംസ്ഥാന ജനറൽ സെക്രട്ടറി കാസിം ഇരിക്കൂർ പറയുന്നു.   രാ​ഷ്ട്രീ​യ ശ​ത്രു​ക്ക​ൾ എ​ത്ര കി​ണ​ഞ്ഞു ശ്ര​മി​ച്ചാ​ലും സാ​ധി​ക്കാ​ത്ത​ത് ചി​ല​പ്പോ​ൾ സ്വ​ന്തം പാ​ർ​ട്ടി​ക്കാ​ർ അ​വ​രു​ടെ കൈ​യി​ലി​രി​പ്പ് കൊ​ണ്ട് സാ​ധി​ച്ചെ​ടു​ക്കു​മെ​ന്ന​തി​ന്റെ ഒ​രു പാ​ട് സാ​ക്ഷ്യ​ങ്ങ​ൾ ന​മ്മു​ടെ മു​ന്നി​ലു​ണ്ടെന്നും ഫേസ്‌ബുക്കിലെഴുതിയ  പോസ്‌റ്റിൽ പറയുന്നു.

പോസ്‌റ്റ്‌ ചുവടെ

രാ​ഷ്ട്രീ​യ ശ​ത്രു​ക്ക​ൾ എ​ത്ര കി​ണ​ഞ്ഞു ശ്ര​മി​ച്ചാ​ലും സാ​ധി​ക്കാ​ത്ത​ത് ചി​ല​പ്പോ​ൾ സ്വ​ന്തം പാ​ർ​ട്ടി​ക്കാ​ർ അ​വ​രു​ടെ കൈ​യി​ലി​രി​പ്പ് കൊ​ണ്ട് സാ​ധി​ച്ചെ​ടു​ക്കു​മെ​ന്ന​തി​ന്റെ ഒ​രു പാ​ട് സാ​ക്ഷ്യ​ങ്ങ​ൾ ന​മ്മു​ടെ മു​ന്നി​ലു​ണ്ട്. 2011തൊ​ട്ട് പാ​ണ​ക്കാ​ട്ടെ ച​കി​തി​യി​ലും ഉ​മ്മ​റ​പ്പ​ടി​യി​ലും കു​ശ്‌​നി​യി​ലും ക​ളോ​റ​യി​ലും ക​റ​ങ്ങി​ന​ട​ന്ന്, തേ​ങ്ങി​ക്ക​ര​ഞ്ഞും മൂ​ക്കു​പി​ഴി​ഞ്ഞും അ​ധി​കാ​ര രാ​ഷ്ട്രീ​യ​ത്തി​ന്റെ മ​ണം പി​ടി​ച്ചു​ക​ഴി​യു​ക​യാ​യി​രു​ന്ന പി എം ​എ സ​ലാം എ​ന്ന ‘പാ​ർ​ട്ടി വ​ഞ്ച​ക​ൻ’ ഇ​ന്ന് മാ​ധ്യ​മ​ങ്ങ​ൾ​ക്ക് പ​ഥ്യ​മാ​യ​ത് അ​ദ്ദേ​ഹം കാ​ട്ടി​ക്കൂ​ട്ടു​ന്ന കോ​പ്രാ​യ​ങ്ങ​ളും ത​ട്ടി​വി​ടു​ന്ന നി​ല​വാ​രം കു​റ​ഞ്ഞ വാ​ക​സ​ർ​ത്തു​ക​ളും കൊ​ണ്ട് മാ​ത്ര​മ​ല്ല. ജീ​ർ​ണ​ത​യി​ൽ ആ​മൂ​ലാ​ഗ്രം ആ​ണ്ടു​പോ​യ സ​മു​ദാ​യ പാ​ർ​ട്ടി​യു​ടെ അ​ന്ത്യം എ​ത്ര​യും പെ​ട്ടെ​ന്നാ​വാ​ൻ ത​ന്നാ​ലാ​വു​ന്ന​ത് ചെ​യ്തു​തീ​ർ​ക്കു​ന്ന സ​ലാ​മി​ന്റെ ആ​ക്രാ​ന്തം ക​ണ്ടു​നി​ൽ​ക്കു​ന്ന​വ​ർ​ക്ക് ഒ​രു ര​സ​മാ​ണ്.

അ​പ്പോ​ഴും പാ​ർ​ട്ടി​യെ സ്‌​നേ​ഹി​ക്കു​ന്ന മു​സ്‌​ലിം ലീ​ഗു​കാ​ർ ത​ല​യി​ൽ കൈ ​വെ​ച്ചു ചോ​ദി​ക്കു​ന്ന ഒ​രു ചോ​ദ്യ​മു​ണ്ട്; ഇ​ങ്ങ​നെ​യൊ​രു ‘ബ​ലാ​ൽ മു​സീ​ബ​ത്ത്’ ഞ​ങ്ങ​ളു​ടെ ത​ല​യി​ൽ വീ​ഴാ​ൻ പോ​വു​ക​യാ​ണെ​ന്ന് അ​റി​യു​മാ​യി​രു​ന്നു​വെ​ങ്കി​ൽ ഐഎ​ൻഎ​ല്ലി​ൽ​നി​ന്ന് ഈ ​മ​നു​ഷ്യ​നെ ഇ​ങ്ങോ​ട്ട് കെ​ട്ടി​യെ​ടു​ത്ത​ത് എ​ന്തി​നാ​യി​രു​ന്നു? ലീ​ഗ് പ​ര​മ്പ​രാ​ഗ​ത​മാ​യി കൊ​ണ്ടു​ന​ട​ക്കു​ന്ന ‘സ​മു​ദാ​യ രാ​ഷ്ട്രീ​യ’ ശൈ​ലി കു​ട​ഞ്ഞു​മാ​റ്റാ​നും പാ​ണ​ക്കാ​ട്ടെ ത​ങ്ങ​ന്മാ​ർ പി​ന്തു​ട​ർ​ന്നു​പോ​ന്ന അ​നു​ന​യ​ത്തി​ന്റെ മാ​ർ​ഗം നി​രാ​ക​രി​ക്കാ​നും പി കെ കു​ഞ്ഞാ​ലി​ക്കു​ട്ടി​യു​ടെ കൈ​യാ​ളാ​യി വ​ന്ന പി എം ​എ സ​ലാം കാ​ണി​ക്കു​ന്ന വ്യ​ഗ്ര​ത ആ ​പാ​ർ​ട്ടി​ക്ക​ക​ത്ത് ക​ലാ​പ​ക്കൊ​ടി പ​ല​തും ഉ​യ​ർ​ത്താ​ൻ കാ​ര​ണ​മാ​യ​താ​ണ് മു​സ്‌​ലിം ലീ​ഗ് ഇ​ന്ന് നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളി.

സ്ത്രീ​ശാ​ക്തീ​ക​ര​ണ വ​ഴി​യി​ൽ വ​ലി​യ പ്ര​തീ​ക്ഷ​ക​ൾ കൈ​മാ​റി​യ ‘’ഹ​രി​ത’​യു​ടെ പെ​ൺ​കു​ട്ടി​ക​ളെ തെ​രു​വി​ലേ​ക്ക് വ​ലി​ച്ചി​ഴ​ച്ച് ഗ​ള​ച്‌ഛേ​ദം ന​ട​ത്താ​നും പു​ത്ത​ൻ ചി​ന്ത​യു​മാ​യി പു​തി​യ കാ​ല​ത്തി​ന്റെ വി​ളി​യാ​ളം ഏ​റ്റെ​ടു​ത്ത എം എ​സ് ​എഫു​കാ​രെ ആ​ട്ടി​യോ​ടി​ക്കാ​നും സ​ലാം കാ​ണി​ക്കു​ന്ന ഉ​ൽ​സാ​ഹം പാ​ർ​ട്ടി ശ​ത്രു​ക്ക​ളു​ടെ പോ​ലും നെ​ഞ്ചു​ല​ക്കു​ന്നു. ന്യൂ​ജെ​ൻ പ്ര​തി​ഭ​ക​ളെ വെ​ട്ടി​മാ​റ്റാ​ൻ സ​ലാം കാ​ണി​ക്കു​ന്ന വി​രു​ത് പാ​ർ​ട്ടി​യി​ൽ മി​ത്ര​ങ്ങ​ളെ​ക്കാ​ൾ ശ​ത്രു​ക്ക​ളെ ഉ​ണ്ടാ​ക്കി​വെ​ച്ചി​ട്ടു​ണ്ട് എ​ന്ന് ക​ഴി​ഞ്ഞ ദി​വ​സം എം.​എ​സ്.​എ​ഫി​ലെ വി​വ​ര​മു​ള്ള കു​ട്ടി​ക​ളു​ടെ തു​റ​ന്നു​പ​റ​ച്ചി​ലി​ൽ​നി​ന്ന് നാ​മെ​ല്ലാം കേ​ട്ട​താ​ണ്. മു​സ്‌​ലിം ലീ​ഗി​ന്റെ അ​ടി​ത്ത​റ ത​ക​ർ​ക്കു​ക എ​ന്ന മ​ഹ​ത്താ​യ ല​ക്ഷ്യ​വു​മാ​യി പാ​ർ​ട്ടി​യു​ടെ ത​ല​പ്പ​ത്തേ​ക്ക് തി​രൂ​ര​ങ്ങാ​ടി ക​ലാ​പ​ത്തി​ലൂ​ടെ ക​യ​റി​ക്കൂ​ടി​യ ഈ ‘​നി​ത്യ​വേ​ത​ന​ക്കാ​ര​നെ (എം എ​സ് എ​ഫു​കാ​രു​ടെ പ്ര​യോ​ഗം) കൊ​ണ്ട് പാ​ർ​ട്ടി പൊ​റു​തി​മു​ട്ടി​യി​രി​ക്കു​മ്പോ​ഴാ​ണ് കോ​ഴി​ക്കോ​ട്ട​ങ്ങാ​ടി​യി​ലെ ചു​ണ​ക്കു​ട്ടി​ക​ൾ വ​ലി​യൊ​രു ബോം​ബ് പൊ​ട്ടി​ച്ചി​രി​ക്കു​ന്ന​ത്.

കു​റ്റി​ച്ചി​റ​യി​ലെ പാ​ർ​ട്ടി പ്ര​വ​ർ​ത്ത​ക​നാ​യ കെ പി ഉ​സ്മാ​ൻ കോ​യ​യോ​ട്, ഇ​ക്ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ കോ​ഴി​ക്കോ​ട് സൗ​ത്ത് മ​ണ്ഡ​ല​ത്തി​ന്റെ ചു​മ​ത​ല​യു​ള്ള ആ​ക്ടി​ങ് സെ​ക്ര​ട്ട​റി​യാ​യ സ​ലാം ഫോ​ണി​ലൂ​ടെ പ്ര​ഖ്യാ​പി​ക്കു​ക​യാ​ണ് ന​മ്മു​ടെ സ്ഥാ​നാ​ർ​ഥി​യെ ജ​യി​പ്പി​ക്കാ​ൻ ബിജെപി​യു​ടെ വോ​ട്ട് വേ​ണം, അ​തി​നു വേ​ണ്ടി ഏ​ത് ആ​ർഎ​സ്എ​സു​കാ​ര​ന്റെ​യും കാ​ല് പി​ടി​ക്കാ​ൻ ഞാ​ൻ ത​യാ​റാ​ണെ​ന്ന്. ‘’ ന​മു​ക്ക് വോ​ട്ടാ​ണ് വേ​ണ്ട​ത്. സ്ഥാ​നാ​ർ​ഥി ജ​യി​ക്ക​ണം. ബിജെപി​ക്കാ​ർ ന​മു​ക്ക് വോ​ട്ട് ചെ​യ്യാ​ൻ ത​യാ​റാ​ണെ​ങ്കി​ൽ ആ ​ബിജെപി​ക്കാ​രു​മാ​യി സം​സാ​രി​ക്കാ​ൻ ഞാ​ൻ ത​യാ​റാ​ണ്’’- ലീ​ഗ് സ്ഥാ​നാ​ർ​ഥി​യു​ടെ പ്ര​ചാ​ര​ണ​വും ബൂ​ത്ത് ത​ല പ്ര​വ​ർ​ത്ത​ന​വും ആ​കെ അ​ല​മ്പാ​യി കി​ട​ക്കു​ന്ന ചു​റ്റു​പാ​ടി​ൽ എ​ങ്ങ​നെ​യെ​ങ്കി​ലും വോ​ട്ട് ശേ​ഖ​രി​ക്കാ​ൻ ബിജെപി​ക്കാ​രു​ടെ വോ​ട്ടാ​ണ് അ​വ​സാ​ന ആ​ശ്ര​യ​മാ​യി കാ​ണു​ന്ന​ത്. ല​വ​ലേ​ശ​ഷം സ​ങ്കോ​ച​മി​ല്ലാ​തെ ഒ​രു പ്രാ​ദേ​ശി​ക നേ​താ​വു​മാ​യി ഇ​മ്മ​ട്ടി​ൽ സം​സാ​രി​ക്കു​മ്പോ​ൾ ത​ന്നെ ഒ​രു കാ​ര്യം വ്യ​ക്ത​മാ​വു​ന്നു​ണ്ട്; കാ​വി​ച്ച​ന്ത​യി​ലി​റ​ങ്ങി വോ​ട്ട് വാ​ങ്ങു​ന്ന ക​ങ്കാ​ണി​പ്പ​ണി ഏ​റ്റെ​ടു​ക്കു​ന്ന​തി​ൽ ലീ​ഗ് സെ​ക്ര​ട്ട​റി ഒ​രു തെ​റ്റും കാ​ണു​ന്നി​ല്ല.

സം​സ്ഥാ​ന ത​ല​ത്തി​ൽ ത​ന്നെ കോ-​ലീ-​ബീ സ​ഖ്യം ഇ​ട​തു​സ്ഥാ​നാ​ർ​ഥി​ക​ളെ തോ​ൽ​പി​ക്കാ​ൻ ആ​വേ​ശ​പൂ​ർ​വം ക​ച്ച​കെ​ട്ടി​യി​റ​ങ്ങി​യ രാ​ഷ്ട്രീ​യ സാ​ഹ​ച​ര്യ​ത്തി​ൽ ബിജെപി വോ​ട്ട് ത​ര​പ്പെ​ടു​ത്തു​ന്ന വി​ഷ​യ​ത്തി​ൽ ഒ​രു അ​മാ​ന്ത​വും കാ​ണി​ക്കേ​ണ്ട​തി​ല്ല എ​ന്ന സ​ന്ദേ​ശ​മാ​ണ് സ​ലാം കൈ​മാ​റു​ന്ന​ത്. ഇ​സ്‌​ലാം പാ​ർ​ട്ടി​യു​ടെ പ​ത​നം നോ​ക്ക​ണം! 20കോ​ടി മു​സ്‌​ലിം​ക​ളെ കൊ​ന്നൊ​ടു​ക്കാ​ൻ സം​ഘ്പ​രി​വാ​ർ പ​ദ്ധ​തി ആ​വി​ഷ്‌​ക​രി​ക്കു​ന്ന നി​ർ​ണാ​യ​ക ഘ​ട്ട​ത്തി​ലാ​ണ് സ​മു​ദാ​യ പാ​ർ​ട്ടി അ​ത്ത​ര​ക്കാ​രു​മാ​യി വോ​ട്ട് ക​ച്ച​വ​ടം ഉ​റ​പ്പി​ക്കാ​ൻ മു​ന്നോ​ട്ടു​വ​രു​ന്ന​തും ല​ക്ഷ​ങ്ങ​ൾ കൈ​മാ​റു​ന്ന​തും. മ​റു​പ​ക്ഷ​ത്ത് മ​ൽ​സ​രി​ക്കു​ന്ന​ത് ഐ.​എ​ൻ.​എ​ൽ അ​ഖി​ലേ​ന്ത്യാ ജ​ന സെ​ക്ര​ട്ട​റി അ​ഹ​മ്മ​ദ് ദേ​വ​ർ കോ​വി​ൽ ആ​യ​ത് കൊ​ണ്ട് സ​ലാ​മി​ന്റെ പാ​ർ​ട്ടി​ക്ക് ജ​യി​ച്ചേ തീ​രൂ! പ​ക്ഷേ മ​ണ്ഡ​ലം-​ജി​ല്ലാ പാ​ർ​ട്ടി നേ​തൃ​ത്വം പ​ല​തു​കൊ​ണ്ടും നി​സ്സ​ഹ​ക​ര​ണ​ത്തി​ലാ​യി​രു​ന്നു. സ​ലാം മേ​ൽ​നോ​ട്ടം വ​ഹി​ക്കു​ന്ന തെ​ര​ഞ്ഞെ​ടു​പ്പ് കാ​മ്പ​യി​ൻ ത​ന്നെ ആ​ക​പ്പാ​ടെ കു​ള​മാ​യി കി​ട​ക്കു​ക​യാ​ണ്. ആ ​കു​ള​ത്തി​ലേ​ക്ക് താ​ൻ ചാ​ടി​ക്കോ​ളാ​മെ​ന്ന വാ​ഗ്ദാ​ന​വു​മാ​യാ​ണ് പ്രാ​ദേ​ശി​ക നേ​താ​ക്ക​ൾ പോ​ലും അ​റി​യാ​തെ പ​ക​രം ചു​മ​ത​ല​ക്കാ​ര​ൻ മ​ണ്ഡ​ലം ചു​റ്റാ​നി​റ​ങ്ങു​ന്ന​തും കോ​ഴി​ക്കോ​ട്ടു​കാ​രെ ഭീ​ഷ​ണി​പ്പെ​ടു​ത്താ​നും താ​ക്കീ​തു ന​ൽ​കാ​നും ശ്ര​മി​ക്കു​ന്ന​തും. എ​ന്നി​ട്ടും 2011ൽ ​ഇ​തേ സ​ലാം അ​റ​ബി​ക്ക​ട​ലി​ൽ ല​യി​പ്പി​ച്ച ഐ​എ​ൻഎ​ല്ലി​ന്റെ നേ​താ​വാ​ണ് കോ​ഴി​ക്കോ​ട്‌​ സൗ​ത്തി​ൽ മി​ന്നു​ന്ന വി​ജ​യ​വു​മാ​യി മു​സ്‌​ലിം ലീ​ഗി​ലെ നൂ​ർ​ബി​ന റ​ഷീ​ദി​ന്റെ ക​ഥ ക​ഴി​ച്ച​തെ​ന്നോ​ർ​ക്ക​ണം.

അ​ങ്ങേ​യ​റ്റം നാ​ണം​കെ​ട്ട ആ ​ഷോ​ക്കി​ൽ​നി​ന്ന് മു​ക്ത​മാ​വാ​ത്ത ലീ​ഗ് നേ​തൃ​ത്വം, ഒ​ടു​വി​ൽ സൗ​ത്ത് ക​മ്മി​റ്റി ത​ന്നെ പി​രി​ച്ചു​വി​ട്ടു ഡോ​ൺ​കി​ക്‌​സോ​ട്ടി​ന്റെ ക​ഥാ​പാ​ത്ര​ത്തെ പോ​ലെ നി​ഴ​ലി​നോ​ട് യു​ദ്ധം ചെ​യ്ത് സ​ലാം മ​ല​ർ​ന്നു​കെ​ട്ടി വീ​ഴു​ക​യാ​ണ്. തെ​ര​ഞ്ഞെ​ടു​പ്പ് കാ​ല​ത്ത് ഉ​സ്മാ​ൻ കോ​യ​യോ​ട് ന​ട​ത്തി​യ സം​ഭാ​ഷ​ണ​ത്തി​ൽ പ​റ​യു​ന്നു​ണ്ട്, മ​ണ്ഡ​ലം ക​മ്മി​റ്റി പി​രി​ച്ചു​വി​ടു​മെ​ന്ന്. അ​ഴീ​ക്കോ​ട്ടും കു​റ്റ്യാ​ടി​യി​ലു​മൊ​ക്കെ ലീ​ഗ് സി​റ്റി​ങ് എംഎ​ൽ​എ​മാ​ർ അ​മ്പേ തോ​റ്റ​മ്പി​യി​ട്ടും കോ​ഴി​ക്കോ​ട്‌​സൗ​ത്ത് ക​മ്മി​റ്റി മാ​ത്രം എ​ന്തു​കൊ​ണ്ട് പി​രി​ച്ചു​വി​ട്ടു?. അ​വി​ടെ​യാ​ണ് സ​ലാം എ​ന്ന രാ​ഷ്ട്രീ​യ കി​ങ്ക​ര​ന്റെ സൃ​ഗാ​ല ബു​ദ്ധി പ്ര​വ​ർ​ത്തി​ച്ച​തെ​ന്ന് കാ​ണാം. 2006ൽ ​എ​ൽഡിഎ​ഫി​ന്റെ ബാ​ന​റി​ൽ ഐ​എ​ൻഎ​ൽ സ്ഥാ​നാ​ർ​ഥി​യാ​യി മ​ൽ​സ​രി​ച്ച​പ്പോ​ൾ 15,000ത്തി​ലേ​റെ വോ​ട്ടി​ന്നാ​ണ് സ​ലാം ജ​യി​ക്കു​ന്ന​ത്. സേ​ട്ട് സാ​ഹി​ബി​ന്റെ പാ​ർ​ട്ടി​യു​ടെ ക​ന്നി വി​ജ​യം. പ​ക്ഷേ അ​ധി​കാ​ര​മോ​ഹി​യാ​യ പീ​ച്ചി​മ​ണ്ണി​ൽ സ​ലാം, താ​ൻ മോ​ഹി​ച്ച മ​ന്ത്രി​സ്ഥാ​നം കി​ട്ടാ​ത്ത നി​രാ​ശ​യി​ൽ പാ​ർ​ട്ടി​യെ​യും മു​ന്ന​ണി​യെ​യും വ​ഞ്ചി​ച്ച് മു​സ്‌​ലിം ലീ​ഗി​ലേ​ക്ക് ചേ​ക്കേ​റി. ഗ​ൾ​ഫി​ലെ ചി​ല ധ​നാ​ഢ്യ​ന്മാ​രു​ടെ കാ​ർ​മി​ക​ത്വ​ത്തി​ൽ ‘ക​ട​വി​ൽ ‘ റി​സോ​ർ​ട്ടി​ൽ ഒ​പ്പു​വെ​ച്ച ക​രാ​ർ പ്ര​കാ​രം ര​ണ്ടു​ത​വ​ണ എ​ൻ ​എ നെ​ല്ലി​ക്കു​ന്നി​നും മൂ​ന്നാം ഊ​ഴ​ത്തി​ൽ സ​ലാ​മി​നും സീ​റ്റ് കി​ട്ടേ​ണ്ട​താ​ണ്. നെ​ല്ലി​ക്കു​ന്ന് പ​ണ​ത്തി​ന്റെ ബ​ല​ത്തി​ൽ മൂ​ന്നാം ത​വ​ണ​യും കാ​സ​ർ​ക്കോ​ട് ത​ര​പ്പെ​ടു​ത്തി​യ​പ്പോ​ൾ സ​ലാം പെ​രു​വ​ഴി​യി​ലാ​യി.

നൈ​രാ​ശ്യം മൂ​ർഛി​ച്ച് ഭ്രാ​ന്താ​യി മാ​റി​യ​പ്പോ​ഴാ​ണ് പാ​റ​ക്ക​ൽ റ​ഫീ​ക്കി​നെ​യും എം കെ ഹാ​ജി​യു​ടെ പൗ​ത്ര​നെ​യു​മൊ​ക്കെ പാ​ണ​ക്കാ​ട്ടെ കൂ​ഫ​യി​ലേ​ക്ക് ക​ലാ​പ​ക്കൊ​ടി​യു​മാ​യി പ​റ​ഞ്ഞു​വി​ട്ട​ത്. സാ​ദി​ഖ​ലി ശി​ഹാ​ബ് ത​ങ്ങ​ൾ അ​വ​രെ നി​ർ​ദ​യം ആ​ട്ടി​യോ​ടി​ച്ചു. സ​ലാ​മി​ന്റെ ക​ണ്ണീ​ർ കാ​ണാ​ൻ ക​ഴി​യാ​തെ വ​ന്ന​പ്പോ​ൾ ആ​ക്ടി​ങ് സെ​ക്ര​ട്ട​റി എ​ന്ന പേ​രി​ൽ പീ​ച്ചി​മ​ണ്ണി​ലി​നെ കു​ഞ്ഞാ​പ്പ പാ​ണ​ക്കാ​ട്ടെ മു​റ്റ​ത്ത് കു​ടി​യി​രു​ത്തി. ഐഎ​ൻ​എ​ല്ലി​നെ ഇ​ല്ലാ​താ​ക്കാ​ൻ 2011ൽ ​ഒ​രു​കൂ​ട്ടം പാ​ർ​ട്ടി വ​ഞ്ച​ക​രു​മാ​യി ന​ട​ത്തി​യ രാ​ഷ്ട്രീ​യ ക​ച്ച​വ​ടം കൂ​ട്ടി​ക്കി​ഴി​ച്ച് നോ​ക്കു​മ്പോ​ൾ മൊ​ത്തം ന​ഷ്ട​മാ​ണെ​ന്ന് അ​പ്പോ​ഴാ​ണ് കു​ഞ്ഞാ​ലി​ക്കു​ട്ടി​ക്ക് ഓ​ടി​യ​ത്. മ​ലേ​ഷ്യ​യി​ൽ​വെ​ച്ച് ക​ടം വീ​ടാ​നെ​ന്ന പേ​രി​ൽ സ​ലാ​മി​ന് കൈ​മാ​റി​യ 23ല​ക്ഷം പോ​യ വ​ഴി ക​ണ്ടി​ല്ല. അ​റ​ബി​ക്ക​ട​ലി​ലെ ഉ​പ്പു​വെ​ള്ളം ചേ​ർ​ത്ത് ഐ.​എ​ൻ.​എ​ല്ലി​നെ ലീ​ഗി​ൽ ല​യി​പ്പി​ച്ച​താ​യി വി​ളം​ബ​രം ചെ​യ്‌​തെ​ങ്കി​ലും സേ​ട്ടി​ന്റെ പാ​ർ​ട്ടി പൂ​ർ​വാ​ധി​കം ശ​ക്തി​യോ​ടെ നാ​ടാ​കെ പ​ട​ർ​ന്നു. ഇ​ക്ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ത​നി​ക്ക് സീ​റ്റ് നി​ഷേ​ധി​ച്ച​പ്പോ​ൾ പി.​എം.​എ സ​ലാം ത​ന്റെ ത​നി സ്വാ​ഭ​വം പു​റ​ത്തെ​ടു​ത്ത​ത് സാ​ക്ഷാ​ൽ കു​ഞ്ഞാ​പ്പ​യെ പോ​ലും ഞെി​ച്ചു. കോ​ഴി​ക്കോ​ട് സൗ​ത്തി​ൽ എ​ൽ.​ഡി.​എ​ഫ് സ്ഥാ​നാ​ർ​ഥി​യാ​യി മ​ൽ​സ​രി​ക്കാ​ൻ ആ​ദാ​മി​ന്റെ മ​ക്ക​ൾ വ​ഴി ചി​ല വി​ഫ​ല ശ്ര​മ​ങ്ങ​ൾ ന​ട​ത്തി. പ​ക്ഷേ, ത​ത്ത്വാ​ധി​ഷ്ഠി​ത​വും മാ​ന്യ​വു​മാ​യ രാ​ഷ്ട്രീ​യ ലൈ​നി​ൽ​നി​ന്ന് അ​ണു​വി​ട വ്യ​തി​ച​ലി​ക്കാ​ൻ ത​യാ​റാ​വാ​ത്ത മു​ന്ന​ണി നേ​തൃ​ത്വം അ​ത്ത​രം എ​ല്ലാ ശ്ര​മ​ങ്ങ​ളെ​യും മു​ള​യി​ലേ നു​ള്ളി.

എ​ല്ലാ പ്ര​തീ​ക്ഷ​ക​ളും ത​ക​ർ​ന്ന് മോ​ഹ​ഭം​ഗ​ത്തി​ന്റെ പൊ​ട്ട​ക്കി​ണ​റ്റി​ലേ​ക്ക് വ​ലി​ച്ചെ​റി​യ​പ്പെ​ട്ട ലീ​ഗി​ന്റെ കൂ​ലി​പ്പ​ണി​ക്കാ​ര​ൻ അ​വ​സാ​നം ഐഎ​ൻഎ സ്ഥാ​നാ​ർ​ഥി​യെ എ​ങ്ങ​നെ​യെ​ങ്കി​ലും പ​രാ​ജ​യ​പ്പെ​ടു​ത്ത​ണ​മെ​ന്ന വ​ലി​യ മോ​ഹ​വു​മാ​യി ഇ​റ​ങ്ങി​ത്തി​ര​ച്ച​പ്പോ​ഴാ​ണ് ആ​ർഎ​സ്എ​സി​ന്റെ വോ​ട്ട് വാ​ങ്ങാ​ൻ കു​പ്പാ​യ​മി​ട്ടി​റ​ങ്ങി​യ​തും ഇ​പ്പോ​ൾ പു​റ​ത്തു​വ​ന്ന ശ​ബ്ദ​സ​ന്ദേ​ശ​ത്തി​ലേ​ക്ക് വ​ഴി​വെ​ച്ച​തും. ഐഎ​ൻഎ​ൽ ഇ​ട​തു​മു​ന്ന​ണി​യി​ലെ ഘ​ട​ക​ക​ക്ഷി​യാ​യി മാ​റി​യ​പ്പോ​ൾ ‘ഘ​ർ​വാ​പ​സി​യെ കു​റി​ച്ച് സ​ലാം ചി​ന്തി​ച്ച​പ്പോ​ൾ, കോ​ഴി​ക്കോ​ട് സൗ​ത്ത് സ്വ​പ്‌​നം ക​ണ്ട് ഇ​ങ്ങോ​ട്ട് വ​രേ​ണ്ടാ എ​ന്ന് വ്യ​ക്ത​മാ​യ ഭാ​ഷ​യി​ൽ മു​ന്ന​റി​യി​പ്പ് ന​ൽ​കി​യ​താ​ണ്.

പ​ക്ഷേ, സ​ലാ​മി​നെ കോ​ഴി​ക്കോ​ട്ടെ എ​ളി​മ​യു​ള്ള ലീ​ഗു​കാ​ർ വെ​റു​തെ വി​ടു​മെ​ന്ന് തോ​ന്നു​ന്നി​ല്ല. അ​തി​ന്റെ ആ​ദ്യ വെ​ടി​യാ​ണ് വോ​യ്‌​സ് മെ​സ്സേ​ജി​ലൂ​ടെ പൊ​ട്ടി​ച്ചി​രി​ക്കു​ന്ന​ത്. സ​ലാം ‘ഷൂ​ട്ടി​ങ് റേ​ഞ്ചി​ൽ’​ നി​റു​ത്തി​യ മൊ​യ്തീ​ൻ കോ​യ​യും പി ​എം ഇ​ഖ്ബാ​ലു​മൊ​ക്കെ, പാ​ർ​ട്ടി​യി​ലേ​ക്ക് അ​ടു​ക്ക​ള വ​ഴി നു​ഴ​ഞ്ഞു​ക​യ​റി​യ സ​ലാ​മി​നെ വെ​റു​തെ വി​ടു​മെ​ന്ന് തോ​ന്നു​ന്നി​ല്ല. ഇ​നി​യും കേ​ര​ളം ഞെ​ട്ടു​ന്ന കൂ​റെ ശ​ബ്ദ​സ​ന്ദേ​ശ​ങ്ങ​ളും വീ​ഡി​യോ​ക​ളും പു​റ​ത്തു​വ​രു​മ്പോ​ൾ മു​സ്‌​ലിം ലീ​ഗ് നേ​തൃ​ത്വം ഒ​രി​ക്ക​ൽ കു​ട്ടി ജ​ന​മ​ധ്യെ തു​റ​ന്നു​കാ​ട്ട​പ്പെ​ടാ​നാ​ണ് പോ​വു​ന്ന​ത്. അ​പ്പോ​ഴും കോ​ലീ​ബി സ​ഖ്യ​ത്തി​ന്റെ ച​രി​ത്ര​വും അ​ര​മ​ന ര​ഹ​സ്യ​ങ്ങ​ളും ഓ​രോ​രോ​ന്നാ​യി പു​റ​ത്തു​വ​ന്നു​കൊ​ണ്ടേ​യി​രി​ക്കും.
 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top