കായികരംഗത്ത്‌ കുതിപ്പിന്‌ ഊർജം പകർന്ന്‌ കായികരംഗത്തെ പ്രമുഖരുടെ സംഗമം
Friday Feb 19, 2021
തിരുവനന്തപുരം
സജീവ സാന്നിധ്യമായി ഐ എം വിജയൻ. സർക്കാരിനെ അഭിനന്ദിച്ച്‌ ഷൈനി വിൽസൺ. നിർദേശങ്ങളുമായി യു ഷറഫലി. കളിയും കളിക്കളവും നിറയുന്ന കേരളത്തെക്കുറിച്ച്‌ സമഗ്രചർച്ച. കായികരംഗത്ത്‌ സർക്കാരിന്റെ കുതിപ്പിന്‌ ഊർജം പകർന്ന്‌ കായികരംഗത്തെ പ്രമുഖരുടെ സംഗമം. കായികതാരങ്ങളെയും പരിശീലകരെയും കേൾക്കാൻ സ്‌പോർട്‌സ്‌ മന്ത്രി ഇ പി ജയരാജനെത്തി. മുഖ്യമന്ത്രി പിണറായി വിജയൻ ഓൺലൈനിലും.
കായികതാരങ്ങൾക്ക്‌ പെൻഷനും ഇൻഷുറൻസും പ്രഖ്യാപിക്കണമെന്ന്‌ ഒളിമ്പ്യൻ മയൂഖ ജോണി അഭ്യർഥിച്ചു.
മുൻ ദേശീയ ടേബിൾടെന്നീസ്‌ താരം ഒളിമ്പ്യൻ രാധിക, ഡോ. സക്കീർ ഹുസൈൻ, പഴനിയാപിള്ള, ഡോ. ജി കിഷോർ, ബോക്‌സിങ്‌ കോച്ച്‌ ചന്ദ്രലാൽ, ജോബി, ഡോ. ഹനീഷ്‌ കുമാർ, സെബാസ്‌റ്റൻ സേവ്യർ, ഷൈജു ദാമോദരൻ എന്നിവർ നിർദേശങ്ങൾ സമർപ്പിച്ചു. ജോ പോൾ അഞ്ചേരി, വിക്‌ടർ മഞ്ഞില, സി സി ജേക്കബ്‌, പരിശീലകൻ കെ പി തോമസ്‌, ചിത്തരേശ്‌ നടേശൻ തുടങ്ങിയവർ സംബന്ധിച്ചു.