നാഷണല്‍ കൌണ്‍സില്‍ ഫോര്‍ ഹോട്ടല്‍ മാനേജ്മെന്റ് ആന്‍ഡ് കാറ്ററിങ് ടെക്നോളജി, ബിഎസ്സി ഹോസ്പിറ്റാലിറ്റി ആന്‍ഡ് ഹോട്ടല്‍ അഡ്മിനിസ്ട്രേഷന്‍ കോഴ്സ് പ്രവേശനത്തിനു നടത്തുന്ന സംയുക്ത പ്രവേശനപരീക്ഷ(ജെഇഇ)യ്ക്കു ഇപ്പോള്‍ അപേക്ഷിക്കാം. 2017 ഏപ്രില്‍ 29നാണ് പ്രവേശനപരീക്ഷ. രാജ്യത്തെ 51 ഹോട്ടല്‍മാനേജ്മെന്റ് ബിരുദ കോഴ്സുകളില്‍ പ്രവേശനം ഈ പരീക്ഷയിലെ സ്കോറിന്റെ അടിസ്ഥാനത്തിലാണ്.
പ്ളസ്ടുവാണ് പ്രവേശന യോഗ്യത. പ്ളസ്ടു പാസായിരിക്കണം. പ്ളസ്ടുവിന് ഇംഗ്ളീഷും പാസായിരിക്കണം. അവസാനവര്‍ഷ പരീക്ഷ എഴുതുന്നവര്‍ക്കും അപേക്ഷിക്കാം. 2017 ജൂലൈ ഒന്നിന് 22 വയസാണ് ഉയര്‍ന്ന പ്രായപരിധി. എസ്സി/എസ്ടിക്ക് 25 വയസാണ് ഉയര്‍ന്ന പ്രായപരിധി. 1995 ജൂലൈ ഒന്നിനോ അതിനുശേഷമോ ജനിച്ചവര്‍ അര്‍ഹരാണ്. എസ്സി/എസ്ടിക്ക് 1992 ജൂലൈ ഒന്നിനോ അതിനുശേഷമോ ജനിച്ചവരാണെങ്കിലും അപേക്ഷിക്കാം.
http://applyadmission.net/nchmjee2017 വെബ്സൈറ്റിലൂടെ ഓണ്‍ലൈനായി 2017 ഏപ്രില്‍ 14വരെ അപേക്ഷിക്കാം. അപേക്ഷാഫീസ് അടക്കുന്നതിനെക്കുറിച്ചും വിശദമായി വെബ്സൈറ്റിലുണ്ട്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
