തിരുവനന്തപുരം
രാജ്യത്തെ സൈനിക സ്കൂളുകളിലെ 2021–- 22 വർഷത്തെ ആറ്, ഒമ്പത് ക്ലാസുകളിലെ പ്രവേശനത്തിനുള്ള പരീക്ഷകൾക്ക് ചൊവ്വാഴ്ച മുതൽ അപേക്ഷിക്കാം.
നവംബർ 19 വരെ https://aissee.nta.ac.in വെബ്സൈറ്റിലൂടെ ഓൺലൈനായാണ് അപേക്ഷിക്കേണ്ടത്. പ്രവേശന പരീക്ഷ 2021 ജനുവരി 10-ന് നടക്കും.
അപേക്ഷിക്കാൻ ഫീസ് ജനറൽ വിഭാഗം/ വിമുക്തഭടന്റെ മകൻ–- - 550 രൂപ, എസ് സി–-എസ് ടി വിഭാഗം–- - 400 രൂപ.
ആറാം ക്ലാസിൽ പ്രവേശനത്തിന് 2021- മാർച്ച് 31ന് 10 വയസ്സിനും 12 വയസ്സിനുമിടയിലും, ഒമ്പതാം ക്ലാസിലേക്ക് അപേക്ഷിക്കാൻ 13 വയസ്സിനും 15 വയസ്സിനുമിടയിലായിരിക്കണം. അംഗീകാരമുള്ള സ്കൂളിൽ എട്ടാം ക്ലാസിൽ പഠിക്കുന്നവരായിരിക്കണം. ആറാം ക്ലാസിലേക്ക് പെൺകുട്ടികൾക്കും അപേക്ഷിക്കാം. കൂടുതൽ വിവരങ്ങൾക്ക് വെബ്സൈറ്റ്: www.nta.ac.in
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..