കോട്ടയം > എം ജി സര്വകലാശാലയുടെ വിവിധ അഫിലിയേറ്റഡ് കോളജുകളിലെ സോഷ്യല് വര്ക്ക് (എംഎസ്ഡബ്ള്യു), ജേര്ണലിസം (എംസിജെ), എംഎസ്സി ടെക്സ്റ്റൈല്സ് ആന്ഡ് ഫാഷന് എന്നീ പ്രോഗ്രാമുകളിലേക്കും, ആനിമേഷന്, സിനിമാ ആന്ഡ് ടെലിവിഷന്, ഗ്രാഫിക് ഡിസൈന്, മള്ട്ടിമീഡിയ എന്നീ എംഎ പ്രോഗ്രാമുകളിലേക്കും ബാച്ചിലര് ഓഫ് ലൈബ്രറി സയന്സ് പ്രോഗ്രാമുകളിലേക്കുമുള്ള പ്രവേശനം ഇക്കൊല്ലം മുതല് സര്വ്വകലാശാല കേന്ദ്രീകൃത സംവിധാനത്തിലൂടെയാണ് നടത്തുന്നത്. എംഎസ്സി ടെക്സ്റ്റൈല്സ് ആന്ഡ് ഫാഷന് ഒഴികെയുള്ള എല്ലാ പ്രോഗ്രാമുകളിലേക്കും പ്രവേശനപ്പരീക്ഷയുടെ മാര്ക്കിന്റെയും ബോണസ് പോയിന്റുകളുടെയും അടിസ്ഥാനത്തിലായിരിക്കും പ്രവേശനം.
എംഎസ്സി ടെക്സ്റ്റൈല്സ് ആന്ഡ് ഫാഷന് പ്രോഗ്രാമിലെ പ്രവേശനം പ്രവേശനപ്പരീക്ഷയുടെയും യോഗ്യതാപ്പരീക്ഷയുടെയും മാര്ക്കുകളുടെ അടിസ്ഥാനത്തിലായിരിക്കും. വിശദമായ നോട്ടിഫിക്കേഷനും, കോളജുകളുടെയും കോഴ്സുകളുടെയും വിവരങ്ങളും, അപേക്ഷാ ഫാറത്തിന്റെ മാതൃകയും ഫീസടയ്ക്കുന്നതിനുള്ള ചെലാനും സര്വ്വകലാശാലയുടെ ഔദ്യോഗിക വെബ് സൈറ്റില് ലഭിക്കും. പൂരിപ്പിച്ച അപേക്ഷകള് 25ന് മുന്പ് ഡപ്യൂട്ടി രജിസ്ട്രാര് (അക്കാദമിക്–ഒന്ന്) എംജി സര്വ്വകലാശാല, പ്രിയദര്ശിനി ഹില്സ് പി.ഒ, കോട്ടയം 686560 എന്ന വിലാസത്തില് ലഭിക്കണം.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..