കൊച്ചി > സംസ്ഥാന സര്ക്കാരിന്റെ കീഴില് കാക്കനാട് (കൊച്ചി) പ്രവര്ത്തിക്കുന്ന കേരള മീഡിയ അക്കാദമി ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന ജേര്ണലിസം ആന്ഡ് കമ്യൂണിക്കേഷന്, പബ്ളിക് റിലേഷന്സ് ആന്ഡ് അഡ്വര്ടൈസിങ്, ടി വി ജേര്ണലിസം എന്നീ പോസ്റ്റ് ഗ്രാജ്വേറ്റ് ഡിപ്ളോമ കോഴ്സുകള്ക്ക് അപേക്ഷ ക്ഷണിച്ചു.
കോഴ്സുകളുടെ ദൈര്ഘ്യം ഒരുവര്ഷമാണ്. ഏതെങ്കിലും വിഷയത്തില് ബിരുദമാണ് അടിസ്ഥാനയോഗ്യത. ബിരുദപരീക്ഷയെഴുതിയവര്ക്കും അപേക്ഷിക്കാം. പ്രായം 31-5-2017ല് 30 വയസ്സ് കവിയരുത്. പട്ടികവിഭാഗക്കാര്ക്ക് അഞ്ചുവര്ഷത്തെ വയസ്സിളവുണ്ട്. അഭിരുചി പരീക്ഷയുടെയും ഇന്റര്വ്യൂവിന്റെയും അടിസ്ഥാനത്തിലായിരിക്കും പ്രവേശനം.
അപേക്ഷാഫോറവും പ്രോസ്പെക്ടസും മീഡിയ അക്കാദമിയുടെ www.keralamediaacademy.org എന്ന വെബ്സൈറ്റില് നിന്ന് ഡൌണ്ലോഡ് ചെയ്യാം. അപേക്ഷാഫീസ് 300രൂപ. (പട്ടികജാതി/വര്ഗ/ഒഇസി വിഭാഗക്കാര്ക്ക് 150രൂപ) അപേക്ഷയോടൊപ്പം സെക്രട്ടറി, കേരള മീഡിയ അക്കാദമി എന്ന പേരില് എറണാകുളം സര്വീസ് ബ്രാഞ്ചില് മാറാവുന്ന ഡിമാന്ഡ് ഡ്രാഫ്റ്റ് ആയി നല്കണം. ചെക്കും, ഫീസ് നല്കാത്ത അപേക്ഷകളും സ്വീകരിക്കില്ല. പൂരിപ്പിച്ച അപേക്ഷാഫോറം 20ന് വൈകിട്ട് അഞ്ചിനകം സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി 30 എന്ന വിലാസത്തില് ലഭിക്കണം.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..