കൊച്ചി : ധനുഷ് കേന്ദ്ര കഥാപാത്രത്തെ അവതരിപ്പിക്കുന്ന 'ക്യാപ്റ്റൻ മില്ലർ' എന്ന ചിത്രത്തിന്റെ ഓവർസീസ് തിയ്യേറ്റർ വിതരണാവകാശം ലൈക്ക പ്രൊഡക്ഷൻസ് ഏറ്റെടുത്തതായി സത്യജ്യോതി ഫിലിംസ് ഔദ്യോഗികമായി അറിയിച്ചു. സിനിമയുടെ ലോഞ്ച് സമയം മുതൽ, ധനുഷ് നായകനായ "ക്യാപ്റ്റൻ മില്ലർ" പ്രേക്ഷകരുടെ ശ്രെദ്ധ പിടിച്ചുപറ്റിയിരുന്നു. സത്യജ്യോതി ഫിലിംസിന്റെ നിർമ്മാണത്തിൽ അരുൺ മാതേശ്വരൻ ആണ് ചിത്രത്തിന്റെ സംവിധാനം. അഭിനേതാക്കളിലും അണിയറപ്രവർത്തകരിലും സൗത്ത് ഇൻഡസ്ട്രിയിൽ നിന്നുള്ള ഏറ്റവും വലിയ ബ്രാൻഡ് പേരുകൾ ഉൾക്കൊള്ളുമ്പോൾ ചിത്രത്തിന്റെ ഓരോ പ്രഖ്യാപനത്തിലും പ്രതീക്ഷകൾ നിരന്തരം ഉയരുകയാണ്. ചിത്രത്തിന്റെ ഓവർസീസ് തിയ്യേറ്റർ അവകാശം ലൈക്ക പ്രൊഡക്ഷൻസ് സ്വന്തമാക്കിയതോടെ ഈ പ്രോജക്റ്റ് മെഗാ ഗോൾഡൻ ടച്ച് കണ്ടെത്തിയെന്ന് പ്രഖ്യാപിക്കുന്നതിൽ നിർമ്മാതാക്കൾ അതീവ സന്തുഷ്ടരാണ്.
ഡോ. ശിവരാജ്കുമാർ, സന്ദീപ് കിഷൻ തുടങ്ങിയ വാഗ്ദാനങ്ങളുള്ള പവർഹൗസ് പ്രതിഭാധനരായ സൂപ്പർതാരങ്ങളും മറ്റ് നിരവധി പ്രമുഖ അഭിനേതാക്കളും താരനിരയിൽ ഉൾപ്പെടുന്നു. ധനുഷിന്റെ ക്യാപ്റ്റൻ മില്ലർ 2023 ഡിസംബർ 15 ന് ലോകമെമ്പാടുമുള്ള തിയറ്ററുകളിൽ റിലീസിന് ഒരുങ്ങുകയാണ്.
ചിത്രത്തിന്റെ രചനയും സംവിധാനവും: അരുൺ മാതേശ്വരൻ, നിർമ്മാണം: സെന്തിൽ ത്യാഗരാജൻ & അർജുൻ ത്യാഗരാജൻ,സംഗീതം: ജി വി പ്രകാശ്,DOP: സിദ്ധാർത്ഥ നുനി എഡിറ്റർ: നാഗൂരാൻ,കലാസംവിധാനം: ടി.രാമലിംഗം വസ്ത്രാലങ്കാരം: പൂർണിമ രാമസാമി & കാവ്യ ശ്രീറാം,സ്റ്റണ്ട്: ദിലീപ് സുബ്ബരായൻ,പബ്ലിസിറ്റി ഡിസൈനർ: ട്യൂണി ജോൺ (24AM),വരികൾ: വിവേക്, അരുൺരാജ കാമരാജ്, ഉമാദേവി, കാബർ വാസുകി
വിഎഫ്എക്സ് സൂപ്പർവൈസർ: മോനേഷ് എച്ച്,നൃത്തസംവിധാനം: ഭാസ്കർ, ശബ്ദമിശ്രണം: എം ആർ രാജകൃഷ്ണൻ പിആർഒ : പ്രതീഷ് ശേഖർ
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
