28 March Thursday

ബാബു ആന്റണിയുടെ 'ദ ഗ്രേറ്റ് എസ്‌കേപ്പ്' 26 ന്

വെബ് ഡെസ്‌ക്‌Updated: Tuesday May 23, 2023

കൊച്ചി > ബാബു ആന്റണി, മകന്‍ ആര്‍തര്‍ ബാബു ആന്റണി, ചാസ് ടെയ്‌ലര്‍ എന്നിവരെ കേന്ദ്രകഥാപാത്രങ്ങളാക്കി നവാഗത സംവിധായകന്‍ ജെ എല്‍ സന്ദീപ്  ഒരുക്കുന്ന ആക്ഷന്‍ ത്രില്ലര്‍ 'ദ ഗ്രേറ്റ് എസ്‌കേപ്പ്' 26 ന് റിലീസ് ചെയ്യും.

സൗത്ത് ഇന്ത്യന്‍ യുഎസ് ഫിലിംസിന്റെ ബാനറില്‍ അമേരിക്കന്‍ മലയാളികളായ സുഹത്തുക്കള്‍ സംയുക്തമായാണ് ചിത്രം നിര്‍മ്മിക്കുന്നതെന്ന് നടന്‍ ബാബു ആന്റണി വാര്‍ത്താ സമ്മേളനത്തില്‍ അറിയിച്ചു. ഹോളിവുഡ്, തായ്‌ലന്റ്, എന്നിവിടങ്ങളില്‍ നിന്നുള്ള അഭിനേതാക്കളാണ് ചിത്രത്തില്‍ അഭിനയിക്കുന്നത്. ഹോളിവുഡ് ചിത്രങ്ങളിലേതിനു സമാനമായ ആക്ഷന്‍ രംഗങ്ങളാണ് ദ ഗ്രേറ്റ് എസ്‌കേപ്പില്‍ ഒരുക്കിയിട്ടുള്ളത്. മലയാളത്തിലും തമിഴിലുമായാണ് ചിത്രം പ്രേക്ഷകരിലേക്കെത്തുന്നത്.

പ്രശസ്ത ഗുസ്തി താരവും വില്ലന്‍ കഥാപാത്രങ്ങളിലൂടെ ശ്രദ്ധ നേടിയ ചാസ് ടെയ്‌ലറും ഈ ചിത്രത്തില്‍ ശ്രദ്ധേയമായ ഒരു വേഷം ചെയ്യുന്നുണ്ട്. ബാബു ആന്റണിയും മകന്‍ ആര്‍തര്‍ ആന്റണിയും, ആദ്യമായി ഒന്നിക്കുന്ന ചിത്രം കൂടിയാണ് ദ ഗ്രേറ്റ് എസ്‌കേപ്പ്. തമിഴ് താരമായ സമ്പത്ത് റാം, അമേരിക്കന്‍ ചലച്ചിത്ര താരം റോക്ക് വില്യംസ്, ബാബു ആന്റിണിയുടെ ഭാര്യ ഇവ്ഗനിയ, മകന്‍ അല്ക്‌സ് ആന്റിണി എന്നിവരും ചിത്രത്തിലെ അഭിനേതാക്കളാണ്. ചിത്രം പൂര്‍ണ്ണമായും അമേരിക്കയിലാണ് ചിത്രീകരിച്ചത്.

മലയാള പ്രേക്ഷകര്‍ക്ക് ഏറെ പുതുമയുണര്‍ത്തുന്ന ഒരു ദൃശ്യാനുഭവം കൂടിയാണ് ദ ഗ്രേറ്റ് എസ്‌കേപ്പ് എന്നും ചിത്രത്തിന്റെ പൂര്‍ണ്ണമായ എഫക്റ്റ് ആസ്വദിക്കാന്‍ തിയേറ്ററില്‍ തന്നെ പ്രേക്ഷകര്‍ സിനിമ കാണാന്‍ ശ്രമിക്കണമെന്നും നടന്‍ ബാബു ആന്റണി കൂട്ടിച്ചേര്‍ത്തു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ
----
പ്രധാന വാർത്തകൾ
-----
-----
 Top