കൊച്ചി> പെരുമ്പടവം ശ്രീധരന്റെ ‘ഒരു സങ്കീര്‍ത്തനം പോലെ’യുടെ ഓഡിയോ പുസ്തകം സ്വീഡന്‍ ആസ്ഥാനമായുള്ള ലോകത്തിലെ മുന്‍നിര ഓഡിയോ ബുക് സ്ട്രീമിംഗ് ആപ്പായ സ്റ്റോറിടെല് വഴി എത്തി. നൂറിലേറെ എഡിഷനുകളിലായി രണ്ടു ലക്ഷത്തിലേറെ കോപ്പികള്‍ വിറ്റഴിഞ്ഞ പുസ്‌തകമാണിത്‌. 6 മണിക്കൂര്‍ 38 മിനിറ്റ് ദൈര്‍ഘ്യമുള്ള ഒരു സങ്കീര്‍ത്തനം പോലെയുടെ ഓഡിയോ പുസ്തകം വായിച്ചിരിക്കുന്നത് സ്റ്റോറിടെലിലൂടെ ജനപ്രിയനായ രാജീവ് നായരാണ്‌. ഓഡിയോ പുസ്തകത്തിലേയ്ക്കുള്ള ലിങ്ക്: www.storytel.com/in/en/books/oru-sankeerthanam-poole-1378151?appRedirect=true.
എക്കാലത്തേയും ഏറ്റവും വലിയ എഴുത്തുകാരിലൊരാളായ ദസ്തയേവ്സ്‌കിയുടെ ജീവിതം അടിസ്ഥാനമാക്കിയാണ് പെരുമ്പടവം ശ്രീധരന്‍ തന്റെ മാസ്റ്റര്‍പീസായ ‘ഒരു സങ്കീർത്തനം പോലെ ’നോവല്‍ എഴുതിയിരിക്കുന്നത്. ചൂതാട്ടക്കാരന്‍ എന്ന നോവലിന്റെ രചനയില്‍ ഏര്‍പ്പെട്ടിരുന്ന ദസ്തയേവ്സ്‌കിയുടെ അരികില്‍ അന്ന എന്ന യുവതിയെത്തുന്നതും തന്നെക്കാള്‍ വളരെ ചെറുപ്പമായ അന്നയോടു ദസ്തയേവ്സ്‌കിക്കു തീവ്രപ്രണയം തോന്നുന്നതും ഒടുവില്‍ ഇരുവരും ജീവിത പങ്കാളികളാകുന്നതും അതിനിടയിലുള്ള അന്തര്‍മുഖനായ ദസ്തയേവ്സ്‌കിയുടെ ആത്മസംഘര്‍ഷങ്ങളും ആശങ്കകളുമാണ് ഈ നോവലിന്റെ ഇതിവൃത്തം.
ഒരു സങ്കീര്‍ത്തനം പോലെ ഉള്‍പ്പെടെ ആയിരത്തിലേറെ മലയാള പുസ്തകങ്ങളാണ് സ്റ്റോറിടെല് ഓഡിയോ പുസ്തകങ്ങളായി അവതരിപ്പിച്ചിരിക്കുന്നത്. ഇംഗ്ലീഷുള്‍പ്പെടെ 12 ഇന്ത്യന്‍ ഭാഷകളിലായി രണ്ടു ലക്ഷത്തിലേറെ ഓഡിയോ പുസ്തകങ്ങളുമുണ്ട്.സെലക്റ്റ് വിഭാഗത്തില്‍ സ്റ്റോറിടെല് ഈയിടെ അവതരിപ്പിച്ച 399 രൂപയുടെ വാര്‍ഷിക വരിസംഖ്യാ ഓഫറും തുടരുന്നു.
2017 നവംബറിലാണ് ഇന്ത്യയില്‍ പ്രവര്‍ത്തനമാരംഭിച്ചത്.
ഗൂഗ്ള്‍ പ്ലേസ്റ്റോറില്‍ http://bit.ly/2rriZaU -ല്‍ നിന്നും ആപ്പ്ള്‍ സ്റ്റോറില്‍ https://apple.co/2zUcGkG-ല്‍ നിന്നും സ്റ്റോറിടെല് ആപ്പ് ഡൗണ്‍ലോഡ് ചെയ്യാം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
