മലപ്പുറം> എം ഇ എസ് മമ്പാട് കോളേജിലെ പ്രഥമ മലയാളം അദ്ധ്യാപകനും പണ്ഡിതനും വാഗ്മിയുമായിരുന്ന പ്രൊഫ. സി വി എൻ നമ്പൂതിരിയുടെ സ്മരണാർത്ഥം മലയാളവിഭാഗത്തിന്റെ നേതൃത്വത്തിൽ ഏർപ്പെടുത്തിയ പ്രൊഫ. സി വി എൻ സാഹിത്യ പുരസ്കാരം പ്രശസ്ത നിരൂപകൻ ഇ വി രാമകൃഷ്ണന്. 'മലയാള നോവലിന്റെ ദേശകാലങ്ങൾ' എന്ന കൃതിക്കാണ് പുരസ്കാരം.
ഡോ. ഖദീജ മുംതാസ്, ഡോ. എൻ അജയകുമാർ എന്നിവരടങ്ങിയ ജൂറിയാണ് കൃതി തിരഞ്ഞെടുത്തത്. പതിനായിരം രൂപയും പ്രശസ്തിപത്രവും ഫലകവുമടങ്ങിയതാണ് പുരസ്കാരം. പ്രഥമ പുരസ്കാരം കെ വി പ്രവീണിനും (ഓർമ്മച്ചിപ്പ്- കഥാ സമാഹാരം) രണ്ടാമത്തെ പുരസ്കാരം ഇ സന്തോഷ് കുമാറിനും (അന്ധകാരനഴി- നോവൽ) ആയിരുന്നു. എം ഇ എസ് മമ്പാട് കോളേജിൽ വെച്ച് നടക്കുന്ന പ്രൊഫ. സി വി എൻ അനുസ്മരണ സമ്മേളനത്തിൽ വെച്ച് പുരസ്കാരം സമ്മാനിക്കും
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
