ഇസ്രയേൽ ജയിലിൽ നിരാഹാരംകിടന്ന പലസ്തീൻ പ്രക്ഷോഭകൻ മരിച്ചു
വെസ്റ്റ് ബാങ്ക്> ഇസ്രയേൽ ജയിലിൽ 86 ദിവസമായി നിരാഹാരമിരുന്ന പലസ്തീൻ പ്രക്ഷോഭകൻ ഖാദർ അഡ്നാൻ മരിച്ചു. തീവ്രവാദമടക്കമുള്ള കുറ്റങ്ങൾ ചുമത്തിയാണ് ഇസ്രയേൽ ഈ നാൽപ്പത്തിനാലുകാരനെ തടവിലാക്കിയത്. പലസ്തീൻ പ്രക്ഷോഭത്തിന് ഐക്യദാർഢ്യം പ്രഖ്യാപിച്ച് നേരത്തേയും നിരാഹാരമിരുന്നിട്ടുണ്ട്. അഡ്നാനെ ഇസ്രയേൽ കൊല്ലുകയായിരുന്നെന്ന് പലസ്തീൻ പ്രധാനമന്ത്രി പ്രതികരിച്ചു. അഡ്നാന്റെ ജീവന് ഇസ്രയേൽ വലിയ വിലകൊടുക്കേണ്ടിവരുമെന്ന് അദ്ദേഹം അംഗമായപലസ്തീൻ പോരാട്ട സംഘടന പ്രതികരിച്ചു. സംഘടനയുടെ മുതിർന്ന നേതാവിനെ ഭീകരവാദിയെന്ന് മുദ്രകുത്തിയാണ് ഇസ്രായേൽ തടവിലാക്കിയത്. ഇസ്രയേൽ തടവിൽ പലസ്തീൻ പൗരർ നിരാഹാരം കിടക്കുന്നത് പതിവാണ്. Read on deshabhimani.com