നാളെ അഞ്ച്‌ ജില്ലയിൽ അലർട്ട് ; ജൂൺ രണ്ടുവരെ ശക്തമായ മഴയ്‌ക്ക്‌ സാധ്യത
തിരുവനന്തപുരം സംസ്ഥാനത്ത്‌ ജൂൺ രണ്ടുവരെ ശക്തമായ മഴയ്‌ക്ക്‌ സാധ്യതയെന്ന്‌ കേന്ദ്ര കാലാവസ്ഥ വകുപ്പ്‌. തിങ്കളാഴ്‌ച ആലപ്പുഴ, ഇടുക്കി, എറണാകുളം, തൃശൂർ, കോഴിക്കോട് ജില്ലകളിൽ മഞ്ഞ അലർട്ട് പ്രഖ്യാപിച്ചു. ജൂൺ ഒന്നിന്‌ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ ജില്ലകളിലും രണ്ടിന്‌ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലും മഞ്ഞ അലർട്ട് പ്രഖ്യാപിച്ചു. കേരളതീരങ്ങളിൽ മണിക്കൂറിൽ 40 മുതൽ 50 കിലോമീറ്റർവരെ വേഗതയിൽ ശക്തമായ കാറ്റിനു സാധ്യതയുള്ളതിനാൽ ജൂൺ രണ്ടുവരെ മത്സ്യബന്ധനത്തിനുപോകരുത്‌. Read on deshabhimani.com