മദർ ഓഫ് ദിനേഷൻ ഫെസ്റ്റിവൽ ഡിസംബർ 9 മുതൽ
അബുദാബി> ഷെയ്ക്ക് ഫാത്തിമ ബിൻത് മുബാറക്കിനോടുള്ള ആദരസൂചകമായി സംഘടിപ്പിക്കുന്ന മദർ ഓഫ് ദി നേഷൻ ഫെസ്റ്റിവലിന്റെ ആറാമത് പതിപ്പ് ഡിസംബർ 9 മുതൽ 18 വരെ അബുദാബി കോർണിഷിൽ നടക്കും. യുഎഇയിലെ വലിയ സാംസ്കാരിക മേളകളിൽ ഒന്നാണ് മദർ ഓഫ് ദി നേഷൻ ഫെസ്റ്റിവൽ. കുടുംബ വിനോദങ്ങൾ, തൽസമയ പ്രകടനങ്ങൾ, ആഗോള പാചകരീതികൾ എന്നിങ്ങനെയുള്ള നിരവധി പരിപാടികൾ ഉൾപ്പെടുത്തി എല്ലാ പ്രായത്തിലുള്ളവർക്കും രസകരമായ അനുഭവം സമ്മാനിക്കുന്ന ആറു വ്യത്യസ്ത സോണുകളിലാണ് പ്രദർശനം ഒരുക്കുന്നത്. കുവൈറ്റിൽ നിന്നുള്ള മിയാമി ബാൻഡ് ഇത്തവണയും അവരുടെ പ്രകടനവുമായി മേളയിൽ ഉണ്ടാകും. ടിക്കറ്റിനും മേളയുടെ വിശദാംശങ്ങൾക്കും www.motn.ae എന്ന് വെബ്സൈറ്റ് വഴി വിവരങ്ങൾ ശേഖരിക്കാം. Read on deshabhimani.com