കോഴിക്കോട് സ്വദേശി സലാലയിലെ പള്ളിയിൽ വെടിയേറ്റ് മരിച്ചു
സലാല> കോഴിക്കോട് സ്വദേശിയെ സലാലയിലെ പള്ളിയില്‍ വെടിയേറ്റ് മരിച്ച നിലയില്‍ കണ്ടെത്തി. പേരാമ്പ്ര ചെറുവണ്ണൂർ കക്കറമുക്ക് സ്വദേശി നിട്ടംതറമ്മൽ മൊയ്‌തീൻ (56) ആണ് മരിച്ചത്. സലാല സാദയിലെ ഖദീജ മസ്‌ജിദിൽ വെള്ളിയാഴ്‌ച രാവിലെ പത്ത് മണിയോടെയാണ് സംഭവം. ആരാണ് വെടി വെച്ചതെന്ന് വ്യക്തമല്ല. മൃതദേഹത്തിന് സമീപത്തു നിന്നും ഒരു തോക്കും കണ്ടെത്തിയിട്ടുണ്ട്. പൊലിസ് സ്ഥലത്തെത്തി വിശദമായ അന്വേഷണം നടത്തുകയാണ്. സംഭവത്തെ തുടർന്ന് പള്ളിയിൽ നമസ്‌കാരം നിർത്തി വെച്ചു. ഭാര്യ: ആയിശ. മക്കള്‍: നാസര്‍, ബുഷ്‌റ, അഫ്‌സത്ത്. മരുമക്കള്‍: സലാം, ഷംസുദ്ദീന്‍. Read on deshabhimani.com