കല കുവൈറ്റ് സാഹിത്യോത്സവം
കുവൈറ്റ് സിറ്റി > കല കുവൈറ്റിന്റെ നേതൃത്വത്തിൽ കുവൈറ്റ് മലയാളികളുടെ സാഹിത്യാഭിരുചികൾ പരിപോഷിപ്പിക്കുക എന്ന ലക്ഷ്യത്തോടെ സാഹിത്യോത്സവം സംഘടിപ്പിക്കുന്നു. ചെറുകഥ, ലേഖനം, കവിത രചന എന്നീ വിഭാഗങ്ങളിലായാണ് സൃഷ്‌ടികൾ ക്ഷണിച്ചിരിക്കുന്നത്, മെയ്‌ 20 – 2022ന് മുന്നേ സൃഷ്‌ടികൾ kalakuwaitsahithyam@gmail.com എന്ന ഇ -മെയിൽ വിലാസത്തിൽ ലഭിക്കണം. കൂടുതൽ വിവരങ്ങൾക്ക് 94148812, അബ്ബാസിയ -97102557, സാൽ‌മിയ – 94493263, അബു ഹലീഫ-65170764, ഫഹാഹീൽ -51317366 എന്നി നമ്പറിൽ ബന്ധപ്പെടുക. നിബന്ധനകൾ 1 ) ലേഖനം – വിഷയം (" വർത്തമാനകാലത്തെ സാംസ്‌കാരിക പ്രതിരോധം " – പരമാവധി 5 പുറം കവിയരുത്. 2 ) കവിത രചന - 24 വരികൾ കവിയരുത്. 3 ) ചെറുകഥ – 3 പുറം കവിയരുത് (കഥ, കവിത എന്നിവയ്ക്ക് പ്രത്യേകം വിഷയമില്ല ). 4 ) രചനകൾ മൗലികമായിരിക്കണം. 5 ) മുമ്പ്‌ പ്രസിദ്ധപ്പെടുത്തിട്ടില്ലാത്തതാണെന്ന് സാക്ഷ്യപെടുത്തുന്ന സത്യവാങ്മൂലം രചനകൾക്കൊപ്പം അയക്കണം. 6) രചനകൾ സ്വന്തം കൈപ്പടയിൽ എഴുതി സ്‌കാൻ ചെയ്‌തതോ മലയാളത്തിൽ ടൈപ്പ് ചെയ്‌ത് പിഡിഎഫിൽ ആക്കിയതോ e-mail ലൂടെ അയക്കണം. 7) ഒന്നും രണ്ടും മൂന്നും സ്ഥാനക്കാരെ വിജയികളായി പ്രഖ്യാപിക്കും. Read on deshabhimani.com