യുഎഇയില്‍ ആസ്റ്റര്‍ ഡിഎം ഹെല്‍ത്ത്‌കെയറിന്റെ സൗജന്യടെലി-ഹെല്‍ത്ത് കണ്‍സള്‍ട്ടേഷന്‍
ദുബായ്> ആസ്റ്റര്‍ ഡിഎം ഹെല്‍ത്ത്‌കെയര്‍ യുഎഇയില്‍ സൗജന്യ ടെലി-ഹെല്‍ത്ത് കണ്‍സള്‍ട്ടേഷന്‍ സേവനം ആരംഭിച്ചു. ഇതുവഴി രോഗികള്‍ക്ക് വീട്ടില്‍ നിന്നും ഓഫീസില്‍ നിന്നും പൊതുവായ മെഡിക്കല്‍ ഉപദേശങ്ങള്‍ തേടാനുളള സൗകര്യമൊരുക്കുന്നു. ആസ്റ്റര്‍ ഡിഎം ഹെല്‍ത്ത്‌കെയര്‍ യുഎഇയിലെ മെഡ്കെയര്‍, ആസ്റ്റര്‍ ഹോസ്പിറ്റല്‍, ആസ്റ്റര്‍ ക്ലിനിക് എന്നീ ശൃംഖലകളിലൂടെയാണ് സൗജന്യ ടെലി-കണ്‍സള്‍ട്ടേഷന്‍ സേവനം ലഭിക്കുക. പൊതുജനങ്ങളുടെ, ആരോഗ്യപരമായ എല്ലാ സംശയങ്ങള്‍ക്കും മെഡിക്കല്‍ വിദഗ്ധരെ സമീപിക്കാന്‍ ഈ സൗകര്യത്തിലൂടെ സാധിക്കും. വെല്ലുവിളികള്‍ നിറഞ്ഞ ഈ സമയത്ത് ഗുണനിലവാരമുള്ള ആരോഗ്യ ഉപദേശങ്ങള്‍ ലഭ്യമാക്കാന്‍ സമൂഹത്തെ സഹായിക്കാനാണ് ഇത്തരമൊരു സേവനം ഒരുക്കുന്നതെന്ന് ആസ്റ്റര്‍ ഡി.എം ഹെല്‍ത്ത് കെയര്‍.ഗ്രൂപ്പിന്റെ വക്താക്കൾ അറിയിച്ചു. കോവിഡ് 19നെക്കുറിച്ചുളളപൊതുജനങ്ങളുടെസംശയങ്ങള്‍ക്ക് 044400500 എന്നആസ്റ്റര്‍ കാള്‍ സെന്റര്‍ നമ്പറില്‍ വിളിച്ചാല്‍ മെഡിക്കല്‍ വിദഗ്ധര്‍ മറുപടിനല്‍കും. Read on deshabhimani.com