മധ്യപ്രദേശിൽ സംഘപരിവാർ 2 ആദിവാസികളെ തല്ലിക്കൊന്നു ; മര്ദനം പശുക്കടത്ത് ആരോപിച്ച്
ഭോപാൽ മധ്യപ്രദേശിൽ പശുക്കടത്ത് ആരോപിച്ച് രണ്ട് ആദിവാസികളെ തല്ലിക്കൊന്നു. മറ്റൊരാൾക്ക് ഗുരുതരമായി പരിക്കേറ്റു. സിയോനി ജില്ലയിലെ കുറൈ ട്രൈബൽ ബ്ലോക്കിൽ തിങ്കൾ രാത്രിയാണ് സംഭവം. ബജ്റംഗ്ദൾ പ്രവർത്തകരാണ് കൊലപാതകത്തിന് പിന്നിലെന്നാണ് റിപ്പോര്ട്ട്. പുറത്തുനിന്നുള്ളവര് എത്തി ഇവരെ വിളിച്ചിറക്കി മര്ദ്ദിക്കുകയായിരുന്നു. അക്രമികളെ പിടികൂടാന് ഇതുവരെ പൊലീസിന് സാധിച്ചിട്ടില്ല. ഒരു കോടി വീതം നഷ്ടപരിഹാരവും നല്കണമെന്നും കൊല്ലപ്പെട്ടവരുടെ അടുത്തബന്ധുവിന് സര്ക്കാര് ജോലിയും നല്കണമെന്ന് ആവശ്യപ്പെട്ട് ആദിവാസികള് സമീപത്തെ ദേശീയപാത മണിക്കൂറുകളോളം ഉപരോധിച്ചു. Read on deshabhimani.com