തെലങ്കാനയിൽ ജാഥകൾക്ക് വൻവരവേൽപ്പ്
ന്യൂഡൽഹി മതനിരപേക്ഷതയും ജനാധിപത്യവും സാമൂഹ്യനീതിയും സംരക്ഷിക്കുകയെന്ന മുദ്രാവാക്യം ഉയർത്തി സിപിഐ എം തെലങ്കാന സംസ്ഥാന കമ്മിറ്റിയുടെ നേതൃത്വത്തിൽ മൂന്ന് വാഹനജാഥ പര്യടനത്തിൽ. മൂന്ന് ജാഥയ്ക്കും ആവേശകരമായ സ്വീകരണമാണ് ലഭിക്കുന്നത്. വാറങ്കലിൽനിന്ന് ആരംഭിച്ച ജാഥ സിപിഐ എം ജനറൽ സെക്രട്ടറി സീതാറാം യെച്ചൂരി ഉദ്ഘാടനംചെയ്തു. സംസ്ഥാന സെക്രട്ടറിയറ്റംഗം പോത്തിനേനി സുദർശനാണ് ജാഥ നയിക്കുന്നത്. സംസ്ഥാന സെക്രട്ടറിയറ്റംഗം ജോൺ വെസ്ലി ക്യാപ്റ്റനായ ജാഥ നിസാമാബാദിൽ പൊളിറ്റ്ബ്യൂറോ അംഗം എ വിജയരാഘവനും സംസ്ഥാന സെക്രട്ടറിയറ്റംഗം എസ് വീരയ്യയുടെ നേതൃത്വത്തിലുള്ള ജാഥ അദിലാബാദിൽ പൊളിറ്റ്ബ്യൂറോ അംഗം ബി വി രാഘവുലുവും ഉദ്ഘാടനംചെയ്തു. സംസ്ഥാനമെമ്പാടും പര്യടനം നടത്തി ജാഥകൾ 29ന് ഹൈദരാബാദിൽ സമാപിക്കും. പൊതുസമ്മേളനം പൊളിറ്റ്ബ്യൂറോ അംഗം പ്രകാശ് കാരാട്ട് ഉദ്ഘാടനംചെയ്യും. Read on deshabhimani.com