പ്രമോദ് സാവന്ത് ഗവർണറെ കണ്ടു
പനാജി ഗോവയിൽ കോൺഗ്രസ് എംഎൽഎമാർ കൂട്ടത്തോടെ ബിജെപിയിൽ ചേർന്നതിനു പിന്നാലെ ഗോവ മുഖ്യമന്ത്രി പ്രമോദ് സാവന്ത് ഗവർണർ പി എസ് ശ്രീധരൻ പിള്ളയെ കണ്ടു. മന്ത്രിസഭാ പുനഃസംഘടനയെക്കുറിച്ച് അഭ്യൂഹങ്ങളുണ്ടെങ്കിലും പ്രമോദ് സാവന്ത് ഇക്കാര്യം നിഷേധിച്ചു. മന്ത്രിസഭയിൽ ഉടൻ മാറ്റമുണ്ടാകില്ലെന്നും ഗവർണറുമായുള്ള കൂടിക്കാഴ്ചയിൽ രാഷ്ട്രീയമില്ലെന്നും അദ്ദേഹം പറഞ്ഞു. അതേസമയം, മുതി‌ർന്ന കോൺഗ്രസ് നേതാക്കളായ മൈക്കൽ ലോബോ, മുന്‍ മുഖ്യമന്ത്രി ദിഗംബര്‍ കാമത്ത് എന്നിവർക്കെങ്കിലും മന്ത്രിസ്ഥാനം നൽകിയേക്കുമെന്നാണ് റിപ്പോർട്ട്. 40 അംഗ സഭയിൽ കോൺഗ്രസിന് ഇപ്പോൾ വെറും മൂന്ന് എംഎൽഎമാരാണുള്ളത്. ബിജെപിക്ക് 28 അംഗങ്ങളായി. അതേസമയം, ഗോവയുടെ ചുമതലയുള്ള എഐസിസി അംഗം ദിനേഷ് ഗുണ്ടുറാവു വ്യാഴാഴ്ച ഗോവയിലെത്തി കോൺഗ്രസ് നേതാക്കളുമായി ചർച്ച നടത്തി. Read on deshabhimani.com