ബംഗാളിൽ മതസൗഹാർദ ദിനം ആചരിച്ചു
കൊൽക്കത്ത മഹാത്മാഗാന്ധി രക്തസാക്ഷി ദിനാചരണത്തിന്റെ ഭാഗമായി സിപിഐ എമ്മിന്റെ ആഭിമുഖ്യത്തിൽ തിങ്കളാഴ്ച ബംഗാളിലൊട്ടാകെ മതസൗഹാർദ ദിനം ആചരിച്ചു. കൊൽക്കത്ത ബലിയഘട്ട ഗാന്ധി ഭവൻ സ്മാരക മണ്ഡപത്തിലെ പ്രതിമയിൽ സിപിഐ എം ജനറൽ സെക്രട്ടറി സീതാറാം യെച്ചൂരി, സംസ്ഥാന സെക്രട്ടറി മുഹമ്മദ് സലിം, പിബി അംഗം സൂര്യകാന്ത മിശ്ര, ഇടതുമുന്നണി ചെയർമാൻ ബിമൻ ബസു എന്നിവർ പുഷ്പാർച്ചന നടത്തി. രാജ്യത്തിന്റെ അഖണ്ഡതയ്ക്കും മതസൗഹാർദത്തിനുംവേണ്ടി ത്യാഗംചെയ്‌ത ഗാന്ധിജിയെ ഓർമിക്കുന്നതിനും ആദരിക്കുന്നതിനും പകരം അദ്ദേഹത്തിന്റെ ഘാതകരായ മതഭ്രാന്തന്മാരെ ആദരിക്കുന്ന അപകടകരമായ നിലയിലേക്കാണ് രാജ്യം നീങ്ങുന്നതെന്ന്‌ യെച്ചൂരി പറഞ്ഞു. Read on deshabhimani.com