ടി ശിവദാസമേനോന്റെ സംസ്കാരം ഇന്ന്, മുഖ്യമന്ത്രി അന്തിമോപചാരം അർപ്പിച്ചു
കോഴിക്കോട്> മുതിര്ന്ന സിപിഐഎം നേതാവും മുന് മന്ത്രിയുമായ ടി. ശിവദാസമേനോന്റെ സംസ്കാരം ഇന്ന് 10.30ഓടെ മഞ്ചേരിയിലെ വീട്ടുവളപ്പില് നടക്കും. ഔദ്യോഗിക ബഹുമതികളോടെയാണ് സംസ്കാരം. മുഖ്യമന്ത്രി പിണറായി വിജയന്, സ്പീക്കര് എം ബി രാജേഷ് എന്നിവർ വീട്ടിലെത്തി അന്തിമോപചാരം അര്പ്പിച്ചു. വാർധ്യക സഹജമായ അസുഖങ്ങളെ തുടർന്ന് കോഴിക്കോട് മിംസ് ആശുപത്രിയില് ഇന്നലെ രാവിലെ പതിനൊന്നരയോടെയായിരുന്നു അന്ത്യം. മൃതദേഹം 3 മണിക്ക് മഞ്ചേരിയിലെ മകളുടെ വീട്ടിലെത്തിച്ചു. അന്തിമോപചാരമര്പ്പിക്കാന് രാഷ്ട്രീയ, സാമൂഹ്യ, സാംസ്കാരിക മേഖലകളില് നിന്ന് നിരവധിപേരാണ് എത്തിയത്. എല്ഡിഎഫ് കണ്വീനര് ഇ പി ജയരാജന്, സി പി ഐ എം നേതാക്കളായ എളമരം കരീം എംപി, പാലോളി മുഹമ്മദ് കുട്ടി, പി കെ ശ്രീമതി ടീച്ചര്, മുസ്ലീം ലീഗ് നേതാവ് പി വി അബ്ദുല്വഹാബ് തുടങ്ങിയവര് അന്തിമോപചാരമര്പ്പിച്ചു. Read on deshabhimani.com