ചെന്നെെയിലെ മൂന്നംഗ കുടുംബം തൃശുരിൽ ആത്മഹത്യ ചെയ്ത നിലയിൽ
തൃശൂർ > തൃശൂരിൽ ഒരു കുടുംബത്തിലെ മൂന്നു പേരെ ലോഡ്ജ് മുറിയിൽ ജീവനൊടുക്കിയ നിലയിൽ കണ്ടെത്തി. തൃശൂർ കെഎസ്ആർടിസി സ്റ്റാൻഡിന് സമീപമുള്ള ലോഡ്ജിലാണ് തൂങ്ങി മരിച്ചനിലയിൽ കണ്ടെത്തിയത്. സന്തോഷ് പീറ്റർ, ഭാര്യ സുനി പീറ്റർ, മകൾ ഐറിൻ എന്നിവരാണ് മരിച്ചത്. തൃപ്പൂണിത്തുറ സ്വദേശികളായ ഇവർ ചെന്നൈയിലാണ് താമസം. മൃതദേഹങ്ങളുടെ സമീപത്ത് നിന്ന് ആത്മഹത്യാക്കുറിപ്പും കണ്ടെത്തി. സാമ്പത്തിക ബാധ്യതയാണ് ആത്മഹത്യയ്ക്ക് കാരണമെന്നാണ് കുറിപ്പിലുള്ള സൂചന. കഴിഞ്ഞ ദിവസം ചെക്ക് ഔട്ട് ചെയ്യേണ്ടിയിരുന്ന കുടുംബം റൂം തുറക്കാതായതോടെയാണ് ജീവനക്കാർ പൊലീസിനെ വിവരം അറിയിച്ചത്. പൊലീസെത്തി വാതിൽ കുത്തിത്തുറന്ന് പരിശോധിച്ചപ്പോഴാണ് കുടുംബത്തെ മരിച്ച നിലയിൽ കണ്ടെത്തിയത്. Read on deshabhimani.com