പ്രത്യേകസംഘം അന്വേഷണം ആരംഭിച്ചു
പുൽപ്പള്ളി പുൽപ്പള്ളി സഹകരണ ബാങ്കിലെ വായ്പാതട്ടിപ്പിൽ സഹകരണ വകുപ്പ് ഏർപ്പെടുത്തിയ പ്രത്യേകസംഘം അന്വേഷണം ആരംഭിച്ചു. കെപിസിസി ജനറൽ സെക്രട്ടറിയായിരുന്ന കെ കെ അബ്രഹാമിന്റെ നേതൃത്വത്തിൽ കോൺഗ്രസ് ഭരണസമിതി 2016 മുതൽ നടത്തിയ വായ്പാതട്ടിപ്പാണ് അന്വേഷിക്കുന്നത്. തിങ്കളാഴ്ച രാവിലെ ബാങ്കിലെത്തിയ സംഘം രേഖകൾ പരിശോധിച്ചു. ബാങ്ക് ഡയറക്ടർമാർ, തട്ടിപ്പിന് ഇരയായവർ, ബാങ്ക് ജീവനക്കാർ എന്നിവരുടെ മൊഴിയെടുക്കും. ഇപ്പോഴത്തെ ഭരണസമിതി പ്രസിഡന്റ് ടി പി ശശിധരൻ, സെക്രട്ടറി ലിസി മോശ, ഡയറക്ടർമാർ എന്നിവരുമായി അന്വേഷകസംഘം ചർച്ചനടത്തി. അന്വേഷണ റിപ്പോർട്ട് സഹകരണ വകുപ്പിന് കൈമാറും. സഹകരണസംഘം ഡെപ്യൂട്ടി രജിസ്ട്രാർ ടി അയ്യപ്പൻ നായർ, അസി. രജിസ്ട്രാർമാരായ അരുൺ, സജികുമാർ, രാജാറാം സഹകരണസംഘം ഇൻസ്പെക്ടർമാരായ ബബീഷ്, ജ്യോതിഷ് തുടങ്ങിയവരാണ് പ്രത്യേക അന്വേഷക സംഘത്തിലുള്ളത്. Read on deshabhimani.com