പഞ്ചായത്ത് ഓഫീസിലേക്ക് എൽഡിഎഫ് മാർച്ച്
പുൽപ്പള്ളി പൂതാടി പഞ്ചായത്ത് ഭരണസമിതിയുടെ കെടുകാര്യസ്ഥതയില് പ്രതിഷേധിച്ച് എൽഡിഎഫ് പഞ്ചായത്ത് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് മാർച്ചും ധർണയും നടത്തി. തകർന്ന ഗ്രാമീണ റോഡുകൾ അടിയന്തരമായി നന്നാക്കുക, പട്ടികവർഗ ക്ഷേമ പദ്ധതികൾ പാഴാക്കാതിരിക്കുക, കോൺഗ്രസ് പഞ്ചായത്തംഗങ്ങളുടെ അധികാര വടംവലി അവസാനിപ്പിക്കുക തുടങ്ങിയ ആവശ്യങ്ങളുന്നയിച്ചായിരുന്നു ധര്ണ. എൽഡിഎഫ് ജില്ലാ കൺവീനർ സി കെ ശശീന്ദ്രൻ ഉദ്ഘാടനംചെയ്തു. ഷാജി ചുളുക്കാവിൽ അധ്യക്ഷനായി. എ വി ജയൻ, രുഗ്മിണി സുബ്രഹ്മണ്യൻ, എ ജെ കുര്യൻ, എൻ ഒ ദേവസ്യ, പി ജോർജ് എന്നിവർ സംസാരിച്ചു. ഇ കെ ബാലകൃഷ്ണൻ സ്വാഗതവും ഷിജി ഷിബു നന്ദിയും പറഞ്ഞു. Read on deshabhimani.com