ബാലസംഘം സംസ്ഥാന സമ്മേളനം; ഫണ്ടുശേഖരണം നടത്തി
തൃശൂർ ബാലസംഘം ആറാമത് സംസ്ഥാന സമ്മേളനത്തിന്റെ വിജയത്തിനായി കുട്ടികളുടെ നേതൃത്വത്തിൽ ഹുണ്ടിക കലക്ഷൻ തുടങ്ങി. യൂണിറ്റുകൾ കേന്ദ്രീകരിച്ചാണ്‌ ഫണ്ട്‌ ശേഖരണം നടത്തുന്നത്‌. ചൊവ്വാഴ്‌ചയും യൂണിറ്റുകളിൽ ബാലസംഘം കൂട്ടുകാർ ഹുണ്ടിക കലക്ഷൻ നടത്തും. ഒക്ടോബർ 4, 5, 6 തീയതികളിലാണ്‌ സംസ്ഥാന സമ്മേളനം . നാലിന്‌ പകൽ മൂന്നിന്‌ തേക്കിൻകാട് മൈതാനത്ത് പൊതുസമ്മേളനത്തിൽ അരലക്ഷം കുട്ടികളുടെ റാലിയും സംഘടിപ്പിക്കും. പൊതുസമ്മേളനം പൊതുമരാമത്ത് മന്ത്രി മുഹമ്മദ്‌ റിയാസ് ഉദ്ഘാടനം ചെയ്യും. 5, 6 തീയതികളിൽ പ്രതിനിധിസമ്മേളനം നടക്കും. കേരള സാഹിത്യ അക്കാദമി പ്രസിഡന്റ്‌ കെ സച്ചിദാനന്ദൻ ഉദ്ഘാടനം ചെയ്യും. Read on deshabhimani.com