ഒരേ വേദിയില്‍ 8 പുസ്തകം പ്രകാശനം 25ന്
തൃശൂർ സംസ്ഥാന സർക്കാരിന്റെ നൂറുദിന കർമപരിപാടിയുടെ ഭാഗമായുള്ള കേരള സംഗീത നാടക അക്കാദമിയുടെ പുസ്തകക്കാലം- നൂറ് ദിനം, നൂറ് പുസ്തകം പദ്ധതിയുടെ ഭാഗമായി എട്ട് പുസ്തകം തിങ്കളാഴ്‌ച പ്രകാശനം ചെയ്യും. രാവിലെ 9.30ന് കെ ടി മുഹമ്മദ് സ്മാരക തിയറ്ററിൽ നടക്കുന്ന പ്രൊഫഷണൽ നാടകമത്സരത്തിന്റെ ഉദ്ഘാടനച്ചടങ്ങിലാണ് പുസ്തകപ്രകാശനം. സേവ്യർ പുൽപ്പാട്ടിന്റെ അരങ്ങിലൂടെ ഒരു യാത്ര, എ ശാന്തകുമാറിന്റെ ആറ് നാടകങ്ങൾ, എ കെ പുതുശേരിയുടെ ആർട്ടിസ്റ്റ് പി ജെ ചെറിയാൻ -നാടകലോകത്തെ ധ്രുവനക്ഷത്രം, ഡോ. എം എൻ വിനയകുമാറിന്റെ മറിമാൻകണ്ണി, സാവിത്രി ലക്ഷ്മണന്റെ നാടകത്തിന്റെ നാട്ടിൽ, ഡോ. എ കെ നമ്പ്യാരുടെ നാടക പ്രപഞ്ചം, ഫ്രാൻസിസ് ടി മാവേലിക്കരയുടെ ഒരുനാഴി മണ്ണ്, സി എൻ ശ്രീവത്സന്റെ അന്വേഷണവഴിയിൽ ജി ശങ്കരപ്പിള്ള എന്നീ പുസ്തകങ്ങൾ അശോകൻ ചരുവിൽ പ്രകാശനം ചെയ്യും. നാടകകൃത്ത് പി വി കെ പനയാൽ ഏറ്റുവാങ്ങും. Read on deshabhimani.com