അപകട മേഖലകളിൽ നിന്ന് മാറ്റി താമസിപ്പിക്കും
തൃശൂർ ജില്ലയിൽ ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ ദുരന്ത സാധ്യത മേഖലകളിൽ നിന്ന് മുൻകരുതലിന്റെ ഭാഗമായി ആളുകളെ ഉടനെ ക്യാമ്പുകളിലേക്ക് മാറ്റാൻ കലക്ടർ എസ് ഷാനവാസ് നിർദേശിച്ചു. രാത്രി മഴ ശക്തിപ്പെടുന്നതിനാൽ ഉരുൾപൊട്ടൽ, മണ്ണിടിച്ചിൽ സാധ്യതയുള്ള പ്രദേശങ്ങളിൽ പകൽ സമയം തന്നെ നിർബന്ധപൂർവം ആളുകളെ മാറ്റി താമസിപ്പിക്കും. മണ്ണിടിച്ചിൽ മൂലമുള്ള അപകടങ്ങൾക്ക് സാധ്യത ഉള്ളതിനാൽ രാത്രി ഏഴു മുതൽ രാവിലെ ഏഴു വരെ മലയോര മേഖലയിലേക്കുള്ള ഗതാഗതം ഒഴിവാക്കണമെന്നും കലക്ടർ അറിയിച്ചു. Read on deshabhimani.com