സിഇടി തിരിച്ചുപിടിച്ച് എസ്എഫ്ഐ
വഞ്ചിയൂർ സിഇടി കോളേജ്‌ യൂണിയൻ തെരഞ്ഞെടുപ്പിൽ എസ്‌എഫ്‌ഐക്ക്‌ വൻ വിജയം. കെഎസ്‌യുവിൽനിന്ന് എസ്എഫ്ഐ യൂണിയൻ തിരിച്ചുപിടിച്ചു. 47 സീറ്റിൽ 34ൽ എസ്എഫ്ഐ വിജയിച്ചു. കെഎസ്‌യു, ഫ്രെട്ടേനിറ്റി സംഘടനകളെ പരാജയപ്പെടുത്തിയാണ് വിജയം. ചെയർപേഴ്സൺ കെ അമിത്, ആർട്സ് ക്ലബ് സെക്രട്ടറി പി എ നവനീത്, യൂണിവേഴ്സിറ്റി യൂണിയൻ കൗൺസിലർമാരായി അഫിൻ ഷാഫി, അഭിഷേക് രഞ്ജിത്‌, വനിതാ പ്രതിനിധികളായി ജെ പവിത്ര, കെ അനിത എന്നിവർ വിജയിച്ചു. ആഹ്ലാദപ്രകടനം എസ്എഫ്ഐ ജില്ലാ സെക്രട്ടറി എസ് കെ ആദർശ് ഉദ്ഘാടനംചെയ്‌തു. പ്രസിഡന്റ് എം എ നന്ദൻ, സംസ്ഥാന കമ്മിറ്റി അംഗങ്ങളായ എ എൽ നിരഞ്ജൻ, ആർ ആർ അനന്തു, ഏരിയ സെക്രട്ടറി സഞ്ജയ് സുരേഷ്, പ്രസിഡന്റ് എസ് എൽ രേവന്ത്, യൂണിറ്റ് സെക്രട്ടറി ഉദിത്, പ്രസിഡന്റ് ബാലശ്രീ തുടങ്ങിയവർ സംസാരിച്ചു. Read on deshabhimani.com