തൊഴിലാളികളുടെ ശമ്പളപരിഷ്‌കരണം നടപ്പാക്കണം
കൊല്ലങ്കോട് നെല്ലിയാമ്പതിയിൽ ഗവ. ഫാം വര്‍ക്കേഴ്‌സ് യൂണിയന്‍ (സിഐടിയു) സംസ്ഥാന പഠനക്യാമ്പ് നടത്തി. യൂണിയൻ സംസ്ഥാന പ്രസിഡന്റ് കെ രാധാകൃഷ്ണന്‍ ഉദ്ഘാടനം ചെയ്തു. സംസ്ഥാന വൈ‌സ് പ്രസിഡന്റ് ഡി സദാശിവന്‍ അധ്യക്ഷനായി. സംസ്ഥാന ജനറല്‍ സെക്രട്ടറി എ എ റഹീം, സിഐടിയു ജില്ലാ സെക്രട്ടറി എം ഹംസ, സംസ്ഥാന സെക്രട്ടറി ടി കെ രാജന്‍, വി ഷിബു, ആര്‍ ചിത്തിരന്‍പിള്ള എന്നിവർ സംസാരിച്ചു. തൊഴിലാളികളുടെ ശമ്പളപരിഷ്‌കരണം നടപ്പാക്കണമെന്നും ഫാമുകളുടെ മുഴുവന്‍ തരിശ്ഭൂമിയും കൃഷിയോഗ്യമാക്കാന്‍ നടപടി സ്വീകരിക്കണമെന്നും യോഗം ആവശ്യപ്പെട്ടു. Read on deshabhimani.com