കൊടുമ്പ് രഥോത്സവം തുടങ്ങി
കൊടുമ്പ് വള്ളിദേവസേന സമേത കല്യാണ സുബ്രഹ്മണ്യസ്വാമി ക്ഷേത്രത്തിലെ ഒന്നാം രഥോത്സവം ആഘോഷിച്ചു. ഞായർ പുലർച്ചെ 3.30ന്‌ പൂന്തേരോട്ടം, രാവിലെ ഒമ്പതിന് മൂന്ന്‌ ഗജവീരന്മാരുടെ അകമ്പടിയോടെ തിരുമഞ്ജനം വരവ്‌, വിശേഷാൽ അഭിഷേകം, ചന്ദനക്കാപ്പ്‌, അന്നദാനം എന്നിവ നടന്നു. വൈകിട്ട്‌ നാലിന്‌ വാദ്യമേളങ്ങളുടെ അകമ്പടിയോടെ തേരോട്ടം ആരംഭിച്ചു. തുടർന്ന് വിശേഷാൽ പൂജ, മെഗാഷോ എന്നിവയുണ്ടായി. തിങ്കളാഴ്‌ചയാണ്‌ രണ്ടാം തേര്. ചൊവ്വാഴ്ച ഏകാന്തോത്സവമാണ്. ബുധനാഴ്ച പത്താം തിരുനാളോടെ രഥോത്സവം സമാപിക്കും. Read on deshabhimani.com