68‐കാരന് 22 വര്‍ഷം കഠിന *തടവും പിഴയും
മഞ്ചേരി 10 വയസുകാരിയെ പീഡിപ്പിച്ച കേസിൽ 68കാരന് 22 വർഷം കഠിന തടവിനും 1,20,000 രൂപ പിഴയും ശിക്ഷ. കാളികാവ് മമ്പാട്ടുമൂല വെണ്ണീറംപൊയിൽ നീലങ്ങാടൻ മുഹമ്മദിനെ (68)യാണ് മഞ്ചേരി പോക്‌സോ സ്‌പെഷ്യൽ കോടതി ജഡ്ജി എസ് നസീറ ശിക്ഷിച്ചത്. 2015 മാർച്ച്, ഏപ്രിൽ മാസങ്ങളിലാണ് കേസിനാസ്പദമായ സംഭവം. പരാതിയെ തുടർന്ന് 2015 മെയ് ആറിന് കാളികാവ് പൊലീസാണ് പ്രതിയെ അറസ്റ്റ് ചെയ്തത്. റിമാന്‍ഡ് കാലാവധി ശിക്ഷയായി പരിഗണിക്കാനും കോടതി ഉത്തരവിട്ടു. പ്രോസിക്യൂഷനുവേണ്ടി ഐഷ പി ജമാൽ ഹാജരായി. ലൈംഗികാതിക്രമം: *മുസ്ലിംലീഗ് *പ്രവർത്തകൻ *അറസ്റ്റിൽ താനൂർ വിദ്യാർഥികൾക്കുനേരെ ലൈംഗിക അതിക്രമം നടത്തിയ കേസിൽ മുസ്ലിംലീഗ് പ്രവർത്തകൻ അറസ്റ്റിൽ. ഓലപ്പീടിക സ്വദേശി പറമ്പേരി മുഹമ്മദ് റാഫിയാണ് താനൂർ പൊലീസ് പിടിയിലായത്. കഴിഞ്ഞ ചൊവ്വാഴ്ചയാണ് കേസിനാസ്പദമായ സംഭവം. പോക്‌സോ വകുപ്പ്‌ പ്രകാരമാണ്‌ കേസെടുത്തത്‌. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. Read on deshabhimani.com