വാർഷികാഘോഷം കൊടിയിറങ്ങി
തിരൂർ രണ്ടാം പിണറായി സർക്കാരിന്റെ ഒന്നാം വാർഷികാഘോഷ ഭാഗമായി എന്റെ കേരളം എന്റെ അഭിമാനം പ്രദർശന വിപണന മേളയ്ക്ക് തിരൂരിൽ സമാപനം. തിരൂർ ഗവ. ബോയ്സ് ഹയർ സെക്കൻഡറി സ്കൂളിലും പോളിടെക്നിക് ഗ്രൗണ്ടിലുമായി നടന്ന മെഗാ മേളയിൽ പതിനായിരക്കണക്കിന് ആളുകളാണ് എത്തിയത്. വിവിധ വകുപ്പുകളിലായി 254 സ്റ്റാളുകളാണ് പ്രദർശന നഗരിയിൽ ഒരുക്കിയിരുന്നത്. പ്രദർശന സ്റ്റാളുകൾക്ക് പുറമേ നിരവധി സെമിനാറുകളും സംഘടിപ്പിച്ചു. സമാപനത്തിന്റെ ഭാഗമായി കണ്ണൂർ ഷെരീഫും രഹ്നയും അവതരിപ്പിച്ച മാപ്പിളപ്പാട്ട് തിരൂരിനെ ആവേശത്തിമിർപ്പിലാക്കി. തിരൂർ ബോയ്സ് ഹൈസ്കൂൾ ഗ്രൗണ്ടിൽ തിങ്ങിനിറഞ്ഞ ജനക്കൂട്ടം സർക്കാർ വാർഷികാഘോഷത്തെ നെഞ്ചേറ്റുകയായിരുന്നു. Read on deshabhimani.com