ചേലേമ്പ്രയും ചേരൂരും ചാമ്പ്യൻമാർ
മലപ്പുറം ജില്ലാ ഫുട്ബോൾ അസോസിയേഷന്‍ നേതൃത്വത്തിൽ മഞ്ചേരി ഗവ. ബോയ്സ് ഹൈസ്കൂൾ ഗ്രൗണ്ടിൽ നടന്ന ജില്ലാ ജൂനിയർ ഫുട്ബോളിൽ എൻഎൻഎംഎച്ച്എസ്എസ് ചേലേമ്പ്ര ചാമ്പ്യന്മാർ. ഫൈനലിൽ ടൈ ബ്രേക്കറിൽ (6−5) എംഎസ്പി മലപ്പുറത്തെ തോൽപ്പിച്ചു. സബ് ജൂനിയറില്‍ എഫ് സി അരീക്കോടിനെ (1−-0) തോൽപ്പിച്ച് പിപിടിഎം വൈഎച്ച്എസ് എസ് ചേരൂർ ജേതാക്കളായി. ജൂനിയർ ലൂസേഴ്സ് ഫൈനലിൽ എഫ് സി അരിക്കോട് (4−0) ന് എംഎംഎച്ച്എസ് കൂട്ടായിയെ തോൽപ്പിച്ച് മൂന്നാം സ്ഥാനം നേടി. സബ് ജൂനിയർ ലൂസേഴ്സില്‍ എംഎസ്പി മലപ്പുറം (4-−2) ന് മൈലപ്പുറം എഫ് സി മലപ്പുറത്തെ പരാജയപ്പെടുത്തി. സമാപന ചടങ്ങിൽ എംഎസ്പി ഡെപ്യൂട്ടി കമാന്‍ഡന്റ് എ സക്കീർ, ജില്ലാ സ്പോർട്സ് കൗൺസിൽ പ്രസിഡന്റ് എ ശ്രീകുമാർ എന്നിവർ വിജയികൾക്ക് ട്രോഫികൾ വിതരണംചെയ്തു. ജില്ലാ ഫുട്ബോൾ അസോസിയേഷൻ പ്രസിഡന്റ് പ്രൊഫ. പി അഷറഫ്, സെക്രട്ടറി ഡോ. പി എം സുധീർകുമാർ, ട്രഷറർ കെ നയീം, പി ഹംസ, കെ അബ്ദുൾ കരീം, മുഹമ്മദ് സലീം, മനോഹരകുമാർ, കെ എ നാസർ എന്നിവർ സംസാരിച്ചു. Read on deshabhimani.com