സാഹിത്യസംഘം സെമിനാർ 200 കേന്ദ്രങ്ങളിൽ
മലപ്പുറം മലബാർ കലാപം നൂറാം വാർഷികത്തിന്റെ ഭാഗമായി പുരോഗമന കലാസാഹിത്യ സംഘം ജില്ലാ കമ്മിറ്റി 200 കേന്ദ്രങ്ങളിൽ സെമിനാർ സംഘടിപ്പിക്കും. ‘മലബാർ കലാപം: മതേതര പുനർവായന' ക്യാമ്പയിനോട്‌ അനുബന്ധിച്ചുള്ള സെമിനാറിന്‌ നവംബർ ഒന്നിന്‌ തുടക്കമാകും. പ്രമുഖർ പങ്കെടുക്കും. പ്രഭാഷകർക്കുള്ള ജില്ലാ പാഠശാല മലപ്പുറം കെഎസ്‌ടിഎ ഹാളിൽ നടന്നു. കെ ഇ എൻ ഉദ്ഘാടനംചെയ്തു. ജില്ലാ പ്രസിഡന്റ് അജിത്രി അധ്യക്ഷയായി. ഡോ. പി പി അബ്ദുൽ റസാഖ്, എം എം നാരായണൻ, ബഷീർ ചുങ്കത്തറ എന്നിവർ സംസാരിച്ചു. ജില്ലാ സെക്രട്ടറി വേണു പാലൂർ സ്വാഗതവും കൺവീനർ ഡോ. എസ് സഞ്ജയ് നന്ദിയും പറഞ്ഞു. Read on deshabhimani.com