പുറത്താക്കാം പ്ലാസ്റ്റിക് ചവറിനെ
മലപ്പുറം ‘ഇരുളിത്തുടങ്ങുമീ പാട്ടുകേൾക്കാൻ കൂടെ മരമുണ്ട്‌ മഴയുണ്ട്‌ കുളിരുമുണ്ട്‌ നിഴലുണ്ട്‌ പുഴയുണ്ട്‌ തലയാട്ടുവാൻ താഴെ വഴിമരച്ചോട്ടിലെ പുല്ലുമുണ്ട്‌ ’ നാളെയുടെ തണലുകൾക്കായി നാടൊന്നിച്ചു. ‘ബീറ്റ് പ്ലാസ്റ്റിക് പൊലൂഷന്‍’ എന്ന ആശയമുയർത്തിയായിരുന്നു പ്രവർത്തനം. എല്ലാ വകുപ്പുകളും വൈവിധ്യങ്ങളായ പരിസ്ഥിതി സംരക്ഷണ പദ്ധതികൾ ഏറ്റെടുത്തു. കേരള വനം–-വന്യജീവി വകുപ്പ്‌ പൊന്നാനി എംഇഎസ് കോളേജിൽ സംഘടിപ്പിച്ച ജില്ലാതല പരിപാടി പി നന്ദകുമാർ എംഎൽഎ ഉദ്‌ഘാടനംചെയ്‌തു. നഗരസഭാധ്യക്ഷൻ ശിവദാസ് ആറ്റുപുറം അധ്യക്ഷനായി. ഡോ. റജൂൽ ഷാനിസ്, റെയ്ഞ്ച് ഫോറസ്റ്റ് ഓഫീസർ പി എസ് മുഹമ്മദ് നിഷാൽ, ടിംബർ സെയിൽസ് ഡിവിഷൻ ഡിഎഫ്ഒ എ പി ഇംതിയാസ്, റെയ്ഞ്ച് ഫോറസ്റ്റ് ഓഫീസർ കെ രാജീവൻ എന്നിവർ പങ്കെടുത്തു. Read on deshabhimani.com