മെഡിസെപ്പിലെ അപാകം പരിഹരിക്കണം
പെരിന്തൽമണ്ണ മെഡിസെപ്പ് പദ്ധതിയിലെ അപാകം പരിഹരിക്കണമെന്ന് കേരള നോൺ ടീച്ചിങ് എംപ്ലോയീസ് ഓർഗനൈസേഷൻ (കെഎൻടിഇഒ) ജില്ലാ സമ്മേളനം ആവശ്യപ്പെട്ടു. സിഐടിയു ജില്ലാ ജനറൽ സെക്രട്ടറി വി പി സക്കറിയ ഉദ്ഘാടനംചെയ്തു. കെഎൻടിഇഒ സംസ്ഥാന ജനറൽ സെക്രട്ടറി എൻ സത്യാനന്ദൻ ജില്ലാ കൗൺസിൽ ഉദ്ഘാടനംചെയ്തു. സിപിഐ എം ഏരിയാ സെക്രട്ടറി ഇ രാജേഷ്, എൻജിഒ യൂണിയൻ ഏരിയാ സെക്രട്ടറി സി ടി വിനോദ്, കെഎൻടിഇഒ സംസ്ഥാന എക്സിക്യൂട്ടീവ് നേതാക്കളായ സുനിൽ പി നായർ, പ്രേമരാജ്, ബെനിസൻ ചലഞ്ചർ എന്നിവർ സംസാരിച്ചു. ഭാരവാഹികൾ: പി രതീഷ് ( പ്രസിഡന്റ്), സി ഉബൈദ് (സെക്രട്ടറി), കെ ദീപ (ട്രഷറർ). Read on deshabhimani.com