കെഎസ്‌ആർടിസി ജീവനക്കാരുടെ ധർണ
കോഴിക്കോട്‌ നവംബർ അഞ്ചിന്റെ പണിമുടക്കിന്‌ മുന്നോടിയായി കെഎസ്‌ആർടിസി ഓഫീസുകളിൽ ജീവനക്കാർ ധർണ നടത്തി. ശമ്പള പരിഷ്കരണം ഉടൻ നടപ്പാക്കുക, എംപാനൽ ജീവനക്കാരെ സംരക്ഷിക്കുക, സർവീസ് ഓപറേഷൻ കാര്യക്ഷമമാക്കുക എന്നീ ആവശ്യങ്ങൾ ഉയർത്തിയാണ്‌ കെഎസ്ആർടിഇഎ (സിഐടിയു) പണിമുടക്ക്. ജില്ലയിൽ ആറ്‌ കേന്ദ്രങ്ങളിലായിരുന്നു ധർണ. കോഴിക്കോട്‌ ബസ് ടെർമിനലിന് സമീപം എൽഐസി എംപ്ലോയീസ് യൂണിയൻ ഡിവിഷൻ ജനറൽ സെക്രട്ടറി ഐ കെ ബിജു, നടക്കാവ് റീജണൽ വർക്‌ ഷോപ്പിൽ സിഐടിയു ജില്ലാ സെക്രട്ടറി പി കെ സന്തോഷ്, തൊട്ടിൽപ്പാലത്ത്‌ കെഎസ്ആർടിഇഎ സംസ്ഥാന സെക്രട്ടറി പി എ ജോജോ, താമരശേരിയിൽ എം കെ സുരേഷ്, തിരുവമ്പാടിയിൽ എം ഇ നവാസ്, വടകരയിൽ എ സി അനൂപ് എന്നിവർ ഉദ്‌ഘാടനം ചെയ്തു. Read on deshabhimani.com