ശുചീകരണത്തിന് കുരുന്നുകളും
വടകര സംസ്ഥാന സർക്കാരിന്റെ മാലിന്യമുക്തം നവകേരളം പദ്ധതിക്ക് കുരുന്നുകളുടെ കൈത്താങ്ങും. പുതുപ്പണം സീനിയർ ബേസിക് സ്കൂളിലെ പരിസ്ഥിതി ക്ലബ് വിദ്യാർഥികളാണ് മാതൃകയായത്. നാൽപ്പതിലേറെ വിദ്യാർഥികളും അധ്യാപകരും ചേർന്ന് കക്കട്ടി പുഴയോരത്തെ മാലിന്യങ്ങൾ നീക്കി. പ്ലാസ്റ്റിക് കുപ്പികൾ, കവറുകൾ, തുണി, ചെരുപ്പ് തുടങ്ങിയവ തീരത്തുനിന്ന്‌ ശേഖരിച്ചു. ഇവ നഗരസഭയുടെ ഹരിതകർമസേനക്ക് കൈമാറും. പരിസ്ഥിതി പ്രവർത്തകൻ മണലിൽ മോഹനൻ ഉദ്ഘാടനം ചെയ്തു. കൗൺസിലർ ടി റജീന അധ്യക്ഷയായി. പ്രധാനാധ്യാപിക സി കെ രഞ്ജിൻ, ദിൽന, ആർ നിവേദ്, പി എം പ്രിയങ്ക, ആർ എസ് അമർ സന്ദേശ് എന്നിവർ സംസാരിച്ചു. Read on deshabhimani.com