ഇക്കുറിയും ഓണം കുശാലാകും
കോട്ടയം വറുതികളില്ലാതെ സമൃദ്ധമായി ഓണമുണ്ണാൻ സർക്കാരിന്റെ സമ്മാനമായി ഓണക്കിറ്റ് എത്തുന്നു. ജില്ലയിലെ 4,98,280 കാർഡ്‌ ഉടമകൾക്ക്‌ ഈ മാസം പകുതിയോടെ റേഷൻകടകൾവഴി കിറ്റുകൾ ലഭ്യമാക്കാനുള്ള അവസാനഘട്ട ഒരുക്കങ്ങളിലാണ്‌ സപ്ലൈകോ. അഞ്ചു താലൂക്കുകളിലായി 100 ഓളം കേന്ദ്രങ്ങളിൽ സാധനങ്ങളുടെ പായ്‌ക്കിങ് പുരോഗമിക്കുകയാണ്‌. 13 ഇനങ്ങളാണ്‌ കിറ്റിൽ. പുറമെ തുണിസഞ്ചിയുമുണ്ട്‌. കിറ്റ്‌ ഒന്നിന്‌ 447 രൂപ വിലവരും. കാർഡിന്റെ മുൻഗണന അനുസരിച്ചാകും വിതരണം. ഒന്നാം പിണറായി സർക്കാരിന്റെ കാലത്ത്‌ കോവിഡ്‌ മൂലം ജനങ്ങൾ ബുദ്ധിമുട്ടിയപ്പോഴാണ്‌ ഭക്ഷ്യക്കിറ്റ്‌ വിതരണം ആദ്യമായി തുടങ്ങിയത്‌. കോവിഡ്‌ ശമിക്കുംവരെ കിറ്റ്‌ വിതരണം തുടർന്നു. Read on deshabhimani.com