ജീവിതത്തിന്‌ വേഗതയേറും
മണർകാട്‌ സ്വന്തമായി നല്ലൊരു വീട്‌ പോലുമില്ലാത്ത മണർകാട്‌ വാഴകണ്ടത്തിൽ രാജന്റെ ജീവിതത്തിന്‌ വേഗതനൽകിയാണ്‌ വീട്ടിലേക്ക് കെ ഫോൺ എത്തിയത്‌. പുതിയ സംവിധാനത്തിലൂടെ മക്കളുടെ വിദ്യാഭ്യാസം ഏറെ മികച്ചതാകുമെന്ന പ്രതീക്ഷയിലാണ്‌ രാജനും ഭാര്യ രാധികയും. എംജി യൂണിവേഴ്‌സിറ്റിയിൽ പിജിക്ക്‌ പഠിക്കുന്ന രാഹുലിനും സഹോദരൻ രാകേഷിനും ബുരുദവിദ്യാർഥിയായ രോഹിതിനും ഇന്റർനെറ്റ്‌ ഏറെ ആവശ്യമുള്ളതായിരുന്നു. ‘സ്വകാര്യ നെറ്റ്‌വർക്കിന്‌ പ്രദേശത്ത്‌ തടസം നേരിട്ടിരുന്നത്‌ പഠനത്തെയും ബാധിച്ചിരുന്നു. പിജി വിദ്യാർഥികളായതിനാൽ പ്രൊജക്ട്‌ വർക്കുകൾ ഏറെയാണ്‌. ഇന്റർനെറ്റ്‌ ഇല്ലാതെ മുന്നോട്ടുപേകാൻ പറ്റാത്ത സാഹചര്യം. ഇതിനിടയിലാണ്‌ കെ ഫോണിന്‌ അപേക്ഷ കൊടുത്തത്‌. പുതിയ സംവിധാനമായതോടെ പഠനം മാത്രമല്ല, ആശയവിനിമയും വളരെ എളുപ്പമാകും’ –- രാഹുൽ പറഞ്ഞു. പഠനവഴികളിൽ തടസമില്ലാതെ മുന്നോട്ടുപോകാൻ ഇവർക്ക്‌ കൂട്ടാകുകയാണ്‌ കെ ഫോൺ. Read on deshabhimani.com