നാടെങ്ങും റിപ്പബ്ലിക് ദിനാഘോഷം
കൊല്ലം രാജ്യത്തിന്റെ 73 –-ാം റിപ്പബ്ലിക് ദിനം നാടെങ്ങും വിവിധ പരിപാടികളോടെ ആഘോഷിച്ചു. കേവിഡ് നിയന്ത്രണങ്ങൾ പാലിച്ചായിരുന്നു പരിപാടികൾ. ആൾക്കൂട്ടമില്ലാതെ പതാകയുയർത്തിയും ചെറുയോഗങ്ങളും ഓൺലൈൻ യോഗങ്ങൾ നടത്തിയുമായിരുന്നു ആഘോഷം. കുമ്മിൾ ജിഎച്ച്‌എസ്‌എസിൽ എസ്‌പിസി, എൻഎസ്‌എസ്‌, സ്‌കൗട്ട്‌സ്‌ ആൻഡ്‌ ഗൈഡ്‌സ്‌ എന്നിവയുടെ നേതൃത്വത്തിൽ റിപ്പബ്ലിക് ദിനാഘോഷം നടത്തി. പ്രിൻസിപ്പൽ എം നാസറുദീൻ പതാക ഉയർത്തി. ബിപിൻ മാധവൻ സംസാരിച്ചു. ഇടമുളയ്ക്കൽ ഗവ. ജവഹർ ഹൈസ്കൂളിൽ ആർ ശാന്തകുമാർ പതാക ഉയർത്തി. കുട്ടികളുടെ പരിപാടികൾ ഗൂഗിൾ മീറ്റിലൂടെ അവതരിപ്പിച്ചു. ഏറം ലൈബ്രറിയിൽ കെ അബ്ദുൽ വഹാബ് പതാക ഉയർത്തി. തോയിത്തല മോഹനൻ, എൻ ഷാജി, എൻ രവീന്ദ്രൻ എന്നിവർ സംസാരിച്ചു. Read on deshabhimani.com