ജില്ലാ മത്സരം ശാസ്‌താംകോട്ട ജെഎംഎച്ച്‌എസിൽ ഇന്ന്‌
കൊല്ലം സ്റ്റെയ്‌പ്‌–-ദേശാഭിമാനി അക്ഷരമുറ്റം ടാലന്റ്‌ ഫെസ്റ്റ്‌ ജില്ലാമത്സരം ഞായറാഴ്ച ശാസ്‌താംകോട്ട ജെഎംഎച്ച്‌എസിൽ നടക്കും. രാവിലെ 10ന്‌ കേരള സാങ്കേതിക സർവകലാശാല പ്രോ വൈസ്‌ ചാൻസലർ എസ്‌ അയൂബ്‌ ഉദ്‌ഘാടനംചെയ്യും. ഉപജില്ലയിൽ ഒന്നും രണ്ടും സ്ഥാനം നേടിയ വിദ്യാർഥികളാണ്‌ ജില്ലാമത്സരത്തിൽ പങ്കെടുക്കുക. കൊല്ലം സിറ്റി പൊലീസ്‌ കമീഷണർ മെറിൻ ജോസഫ്‌ സമ്മാനം വിതരണംചെയ്യും. സാഹിത്യ മത്സരം ടാലന്റ്‌ ഫെസ്റ്റിന്റെ ഭാഗമായി സാഹിത്യമത്സരവും ഞായറാഴ്ച നടക്കും. ഹൈസ്‌കൂൾ, ഹയർ സെക്കൻഡറി വിദ്യാർഥികൾക്ക്‌ കഥ, കവിതാ വിഭാഗത്തിലാണ്‌ മത്സരം. അക്ഷരമുറ്റം ജില്ലാ മത്സരകേന്ദ്രത്തിൽ തന്നെയാണ്‌ സാഹിത്യമത്സരം. മത്സരത്തിന്‌ തൊട്ടുമുമ്പ്‌ വിഷയം നൽകും. കഥയിലും കവിതയിലും ഒന്നും രണ്ടും സ്ഥാനം നേടുന്നവരെ സംസ്ഥാനതലത്തിലേക്ക്‌ തെരഞ്ഞെടുക്കും. Read on deshabhimani.com